پاکستانی پوج ءَ بلوچستان ءِ دمگ پنجگور ءِ جھمنندیں سے مردم چہ کراچی ءَ آوار جتگ ءُ بیگواہ کتگ اَنت-
بیگواہ کنگ بیتگیں مردمانی پجّار صابر ء فضل کریم، زبیر ء فضل کریم ءُ سلمان ء شاھی نام ءَ چہ بیتگ اَنت – سئیں پنجگور ءِ دمگ پروم ءِ جھمنند گوشگ بیگ ءَ اَنت-
اِھوالکار ءِ رِد ءَ، اے مردم نُھ اگست ءَ ھما وھد ءَ آوار جنگ ءُ بیگواہ کنگ بیتگ اَنت وھدے آ الاج ءِ ھاتر ءَ کراچی ءَ اَتکگ بیتگ اَنت- آ ھما وھد ءَ آوار جتگ اَنت وھدے آ یک ھوٹلے ءَ چہ نادُراھجاہ ءِ نیمگ ءَ روگ ءَ بیتگ اَنت – اشی ءَ پد آیانی ھچ وڑیں ھال نیست-