اوستہ محمد ءِ دمگ ءَ پولیس ءِ وین ءِ سر ءَ دزبمب اُرشے ءَ پولیس ءِ کارندھاں ھوار شش مردم ٹپیگ بوتگ اَنت۔
پولیس ءِ رد ءَ شھر ءِ پولیس اسٹیشن ءِ تہ ءَ ریل گیٹ ءِ نزیک ءَ ناشناسیں موٹر سائیکل سواراں پولیس ءِ موبائل ءِ سر ءَ دزبمب اُرشے کتگ ءُ ایشی ءِ آسر ءَ چار پولیس کارندہ ءُ دو راہ گوز ٹپیگ بوتگ اَنت۔
ٹپیگیں مردم زوت نادراھجاہ ءَ سر کنگ بوتگ اَنت۔ پولیس ءِ گشگ انت کہ ٹپیگانی تہ ءَ عبدالنبی، قادر بخش، عبداللہ، بھرام ءُ دگہ مردم ھوار انت۔ وئیل ءَ پد پولیس ءَ دمگ انگر کتگ ءُ اُرشکارانی پٹ ءُ پول بندات کتگ ءُ گیشیں پٹ ءُ پول بندات کنگ بوتگ انت۔