بلوچ ریپبلکن گاڑدز ءِ جارکش دوستین بلوچ ءَ رسانکدر ءَ وتی شنگ کتگیں درشان ءَ گوشتگ کہ بی آر جی ءِ سرمچاراں سھبت پور ءِ ھند زین ال آبد ین کوسہ گوٹ ءَ ریاستی پلامرزی ءَ ھستیں مردمانی بنجل ءِ سر ءَ گرنیڈ لانچر ءِ گولھے آس داتگ ءُ گوں نوکیں سلاھاں نشانگ کتگ۔ ایشی ءِ آسر ءَ یک کارمندے ٹپی بیتگ۔
دوستین بلوچ ءَ گوشتگ کہ ھمے وڑ ءَ مئے سرمچاراں بلوچستانءِ دمگ کچی ءِ ھند ڈھاڈر ءَ پہ دژمن ءَ جتگیں یک چاریگی موبائل ٹاورے مانداشتگ ءُ تیرگواری کتگ سرجم ءَ تباہ کتگ۔
دوستین بلوچ ءَ گوشتگ بی آرجی اے اُرشانی زمہ واریاں من ایت ءُ مئے جھد تھنا بیرگیری نہ اِنت بلکیں اے مھکمیں کاروائی داں ھما وھد ءَ برجاہ بنت دانکہ زورگریں ریاست چہ بلوچستان ءَ در مہ ایت ءُ بلوچ راج ءِ وتی باندات ءِ پیسلہ کنگ ءِ ھک وتی دست ءَ مہ بیت۔