بلوچ سیاسی سروکانی دزگیری ءُ زورانسری آوار جنی ءِ ھلاپ ءَ کراچی ءُ اسلام آباد ءَ نندانک ءِ دْرچ مروچہ ھم برجاہ-
بلوچستان ءَ بلوچ یکجھتی کمیٹی ءِ سروکانی دزگیری، انساپ ءِ نہ رسگ ءُ چہ کراچی ءُ بلوچستان ءَ زورانسری بیگواہ کنگ بیتگیں مردمانی کھول کراچی ءُ اسلام آباد ءَ پریس کلبانی دیم ءَ نندانک داتگ ءُ وتی دوستناکانی یل کنائینگ ءُ انساپ ءِ لوٹ ءَ کنگ ءَ اَنت-
کراچی پریس کلب ءِ ڈن ءَ پاکستانی پوج ءِ دست ءَ زورانسری آوار جنی ءِ نشانگ بیتگیں نودربر زاھد علی بلوچ ءِ یل کنائینگ ءِ ھاتر ءَ زھرشانی بُنجل ءَ مروچی دوازدہ روچ سرجم بوتگ، لیاری ءِ دمگ چہ کلری ءَ سیادی داروکیں بیست پنچ سالی ئیں زاھد ءِ کھول ءُ سیاد ھمکروچ کلب ءِ ڈن ءَ زھرشانی ءَ ھوار اَنت-
دومی نیمگ ءَ اسلام آباد پریس کلب ءِ دیم ءَ بلوچ یکجھتی کمیٹی ءِ سروک ءُ بیگواھیں مردمانی کھول ءِ سی ءُ دومی روچ ءَ پُترتگ-
پولیس ءِ نیمگ ءَ چہ نندانک ءِ دارگ ھاتر ءَ اڑان برجاہ ءَ اِنت، چریشی ءِ سبب ءَ دلسیاھی ءُ زھرشانی کنوکیں کماشانی جاور نگیگ بیگ ءَ اِنت-
زھرشانی کنوکانی گوشگ اِنت کہ اے روچ بلوچ ماتانی، گھارانی ءُ ورنایانی ءِ ھاتر ءَ یک یک دراجیں گمنانکیں جُھد ءِ چیدگ اِنت ، چریشی ءَ آئی ءَ ریاستی نا دلگوشی نزیک ءَ دیستگب، آیانی گوشگ اِنت کہ ریاست ءِ راستی چہ دیم ءَ چکرینگ نہ بیت ءُ بلوچ راج وتی ھک ءِ ھاتر ءَ توار چست کنت دانکہ راستی منّگ نہ بیت-