نوشکی : آئی ای ڈی اُرش ءَ پاکستانی پوج ءِ میجرے ءَ ھوار سے کارندہ بیران، سے ٹپی

بلوچستان ءِ دمگ نوشکی ءِ ھند گرگینہ، کردگاپ ءَ سے شمبے ءِ شپ ءَ یک بمب تراکے ءَ پاکستانی پوج ءِ میجرے ءَ ھوار سے کارندہ بیران ءُ سے ٹپی بیتگ اَنت-

اِھوالکار ءِ رِد ءَ، تراک بیگاہ ءِ ھشت ءِ نزیک ءَ ھما وھد ءَ بیتگ وھدے یک بلٹ پروف پوجی گاڑی یے دگ کش ءَ کل کتگیں شوروانی بمب آئی ای ڈی ءِ سر ءَ نشانگ کنگ بیتگ-

بیران بیتگیں کارندھانی تہ ءَ میجر رضوان، نائب صوبیدار امین ءُ لانس نائیک یونس ھوار اَنت، وھدے کہ ھوالدار حسن، سپائی ھمید ءُ لانس نائیک فضل ٹپی بیتگ اَنت-

تنی وھدے اُرش زمہ واری ھچ گل ءَ نہ زرتگ-

اے ماہ ءَ پاکستانی پوج بلوچستان ءَ تُرندیں اُرشانی دیمپانی کنگ کپتگ آیانی تہ ءَ چار میجر ءَ ھوار بازیں کارندھے یے کشگ بیتگ اَنت-

تُرندیں اُرش آواران، کلات، مستونگ، شال، پنجگور ءُ نوشکی ءَ بیتگ اَنت – شال، کلات، مستونگ ءُ بلوچ بلوچ لبریشن آرمی ءَ زرتگ اَنت کہ آیانی تہ ءَ دو میجر ءَ ھوار بازیں کارندھے یے کشتگ اَنت، آواران اُرش ءِ زمہ واری بلوچستان لبریشن فرنٹ ءَ زرتگ اَت کہ اود ءَ یک میجرے ءَ ھوار بازیں کارندھے یے کشُگ بیتگ اَت ءُ پنجگور اُرش ءِ زمہ واری بلوچ آجوئی لوٹوکیں گلانی یکجاھی گل براس ءَ زرتگ گوشتگ کہ پنجگور ءِ دمگ گوران ءَ یک اُرشے ءَ پاکستانی پوج ءِ چوکیانی دستیگ کتگ اَنت پوجی ساز ءُ سامان برتگ اَنت-