بلوچستان ءِ دمگ سوراب ءِ شھر ءَ پاکستانی پوج ءَ مروچی آپریشن بندات کتگ ءُ لوگ لوگ ءَ پٹ ءُ پول کنگ ءَ انت-
دمگی مردماں گوں ٹی بی پی ءَ گوشتگ سوراب ءَ مروچی سھب ءِ سر ءَ پوج ءَ آپریشن بندات کتگ ءُ پوج ءِ ھمراھی ءَ ڈیتھ اسکواڈ ھم ھوار انت-
دمگی مردمانی رد ءَ سوراب ءِ شھر کلی نور آباد ءَ ھوار کش ءُ گوری دراھیں دمگ پوجی آپریشن ءِ زد ءَ انت-
آیانی رد ءَ مروچی سھب ءَ پوج شھر ءَ پترتگ ءُ آئی ءِ ھواری ءَ ڈیتھ اسکواڈ ھم گون انت ءُ شھر ءِ زھگ ءُ زالبول ءُ کماشاں پوج اَچ لوگاں کشگ ءُ پٹ ءُ پول کنگ ءَ انت-
آپریشن ءِ درگت ءَ واکدارانی نیمگ ءَ انگت ءَ دگہ اھوال دیم ءَ نیتکگ انت ءُ نانکہ دگہ دزگیریانی اھوال دیم ءَ اتکگ انت-