بلوچستان ءِ دمگ بولان ءِ ھند کولپور ءِ نزیک ءَ ناشناسیں سلاہ بندیں مردماں جعفر ایکسپریس ءِ پائلٹ انجن ءِ سر ءَ تیرگواری کتگ بلے اے ویل ءَ ھچ وڑیں تاوان ءِ ھال نہ بوتگ۔
ریل ءِ بنشون ءِ رد ءَ ناشناسیں اُرش کنوکاں انجن نشانگ کتگ ءُ تتکگ انت ۔
انگت ءَ کس ءَ اے اُرش ءِ زمہ واری نہ زرتگ۔ شال ءَ بگر داں پشاور ءَ دراجیں راہ ءِ سر ءَ روکیں جعفر ایکسپریس ءَ گوستگیں وھداں ھم اُرشانی دیمپانی بیتگ انت۔ اے اُرشانی زمہ واری بلوچ آجوئی لوٹوکیں سلاہ بندیں گلاں زرتگ انت۔
اے سال ءِ مارچ ءَ بلوچ لبریشن آرمی ءَ جعفر ایکسپریس دستیگ جتگ ءُ سواریں دو سد ءَ گیش پاکستانی پوج ءِ کارندہ دزگیر کتگ انت-
اے اُرش دمگ ءَ ٹوھیں اُرشانی بنداتی اُرش بیتگ کہ چِد ءُ پیش اے دابیں اُرش گندگ ءَ نیتکگ انت-