بلوچ راجی آجوئی سنگر (براس) ءِ جارکش بلوچ ھان ءَ رسانکدراں وتی شنگ کرتگیں درشان ءِ تہ ءَ گوشتگ کہ سرمچاراں پَنجگُور ءِ دمگ ماتین گوران ءَ زورگریں پاکستانی پوج ءِ بنجاھی بنجل ءِ سر ءَ مھکم ءُ ٹوھیں اُرشے کتگ ءُ بنجل ءِ یک بھرے سرجمی ءَ گپتگ ءُ دژمن سک باز جانی ءُ مالی تاوان داتگ ۔ اے اُرش شور کتگیں اُرش ءَ زورگریں پوج ءِ 22 کارمند مرتگ انت ءُ وھدیکہ کیپٹن اسامہ ءَ ھوار چاردہ ءَ گیش زدگ بوتگ انت ۔ براس ءِ سرمچاراں دژمن ءِ جنگی مڈی سلاہ ،گولا بارود دستیگ کتگ انت ۔ اے اَرش ءَ مئے تمردیں سرمچاریں سنگت ،سرمچار امیر پنام ءِ بابا نمیران بوتگ ۔
جارکش ءَ گوشتگ کہ اے اُرش یک اگست ءِ بیگاہ ءِ شش بج ءَ کنگ بوتگ کہ سرمچاراں ماں گوران ءَ زورگریں پوج ءِ 91 ونگ ءِ بنجاھی بنجل ءُ آئی ءِ کش ءِ ھواریں پوسٹانی سر ءَ سَے نیمگاں اُرش کتگ ۔ اے اُرش دو اداراں تاں برجاہ بوتگ ءُ سرمچاراں کش ءِ دو گچینی پوسٹاں ھوار بنجل ءِ یک بھرے سرجمی ءَ گپتگ ۔ دژمنیں پوج ءِ سر ءَ بوتگیں ٹوھیں اُرش ءَ زورگریں پوج ءَ مزنیں کچے ءَ جانی ءُ مالی تاوانانی دیمپانی کنگ کپتگ ۔ وھدیکہ آئی ءِ سروک ءُ رھوتی سنچ سک باز سانمند بوتگ انت ۔
آئی ءَ گوشتگ کہ سرمچاراں دژمن ءِ سلاہ ءُ نوکتریں مڈی دستیگ کتگ انت کہ آیانی تہ ءَ کلاشنکوف، جی تھری، مشین گن، نائٹ وژن ڈیوائسز، تھرمل اسکینرز ءُ دگہ جوانیں مڈی ھوار انت ۔
جارکش بلوچ ھان ءَ گوشتگ کہ براس ءِ سرمچارانی دو ٹولی ءَ سی پیک دگ ءِ سر ءَ دو جاہ ءَ سنگر بستگ ءُ نشتگ انت تاکہ ھردے دژمن کمک دیم دنت آ دارگ بہ بیت بلے پد ءَ ھم مدامی وڑ ءَ دژمن ءَ وتی بزدلی پیش داشتگ ءُ وتی کارمندانی کمک ءَ نہ اتکگ ۔ سرمچاراں پوج ءِ چیر کتگیں چاریگی کیمرہ ھم نشانگ کتگ ءُ تباہ کتگ انت کہ چریشی ءَ آئی ءِ انٹیلی جنس ءَ مزنیں تاوانے رس اتگ ۔
جارکش ءَ گوشتگ کہ میڑ ءِ وھد ءَ وھدیکہ سرمچاراں یک پانگسے گپتگ گڑا اود ءَ سے کارمند سرمچارانی انگیر ءَ اتکگ انت گڑا دیم ءِ لین اوشتوکیں سرمچار امیر پنام ءِ بابا ءَ آ کارمنداں ھمے گوشتگ کہ دستاں چست بہ کن ات ما شمارا ھچ نہ کن ایں گڑا دزگیری دیگ ءَ رازی بوتگ انت کہ دومی نیمگ ءَ دژمن ءَ تیرگواری کتگ کہ آ دژمن ءِ تیراں لگ اتگ ۔ سک باز زدگ بوگ ءَ ابید ھم آ کمے راہ ءَ اتکگ بلے بازیں ھونانی رچگ ءِ سوب ءَ وتی لیکھی کول ءِ رد ءَ آئی ءَ گڈی تیر ءِ پلسپہ ءِ سر ءَ وت ءَ دژمن ءِ دست ءَ دیگ ءَ رکینتگ ءُ وتی سنگت رکست کتگ انت ۔
براس ءِ جارکش بلوچ ھان ءَ نمیران بوتگیں سنگت ءِ درگت ءَ گوشتگ کہ نمیرانیں سرمچار امیر پنام ءِ بابا ء آسمی کیچ ءِ دمگ ھوشاب ،ارز محمد بازار ءِ نندوک بوتگ ۔آئی ءَ سال 2014 ءَ بلوچ لبریشن آرمی ءَ بھر زرتگ ءُ دو سالاں تاں آئی ءَ بازار ءَ وتی کرد پیلو کتگ ءُ پد ءَ 2016 آ کوہ ءَ اتکگ کہ اود ءَ نگیگیں جاوراں ابید ھم یکشلیں جھد ءِ چیدگ بوتگ ءُ آ کولواہ ءِ اوتاک ءِ کماندار بوتگ ءُ وتی کرد ءَ پیلو کنگ ءَ بوتگ ۔
بلوچ ھان ءَ گوشتگ کہ نمیرانیں امیر پنام ءِ بابا تھنا یک جان ندری سرمچارے نہ بوتگ بلکیں یک پگری ءُ لیکھی باسکے ھم بوتگ ، کہ آئی ءِ سیاسی سنچ ، پوجی زمہ داریاں گوں ھمدپ ءُ سنگتانی گوم ءَ مھر ءَ آ یک دروری کامریڈئِے ءِ درجہ داتگ ۔
جارکش ءَ گوشتگ کہ براس اے کول ءَ کنت کہ نمیرانیں سرمچار امیر پنام ءِ بابا ءُ دگہ نمیرانیں سرانی دیمھونی مئے جھد ءِ مڈی ءُ مئے دیمروئی ءِ بنیاد انت ۔ دژمنیں پوج ءِ سر ءَ.اے وڑیں اُرش برجاہ بنت ءُ چد ءُ گیشتر ترندتر مھکمتری ءَ گوں بنت – بلوچ راجی آجوئی سنگر (براس) وتی درسیں سرمچار ، ھم سنتیں گل ءُ آشوبی باسکانی ھمراھی ءَ اے جھد ءَ دشمن ءِ پروش ءُ بلوچستان ءِ آجوئی ءَ تاں برجاہ دارگ ءِ ھاتر ءَ پرامیت انت-