نوشکی ءَ بلوچ راجی مُچّی ءَ یک سالے سرجم بوگ ءِ روچ ءَ شھیدانی کبرانی سر ءَ ساڑی ءُ پُل شانک دیگ ءَ پد چادر پِر دیگ بیتگ انت۔
بلوچ یکجھتی کمیٹی ءِ رِد ءَ بلوچ راجی مُچّی دو اگست دوھزار ءُ بیست ءُ چار ءَ، وھدیکہ بی وائی سی ءِ نیمگ ءَ بلوچ راجی مُچّی ءِ سر ءَ ریاست ءِ ناھَکیں کریک ڈاون ءِ بگیری ءَ زھرشانی کنگ بیتگ۔ زھرشانی نوشکی پریس کلب ءَ بگر داں اسٹیشن ءَ کشگ بیت۔ گڑا ھمے ساھت ءَ زھرشانی ءِ وھد ءَ آرمی ءُ ایپ سی ءَ لس بلوچ ءِ سر ءَ تیرگواری کتگ ءُ ھمے تیرگواری ءِ سبب ءَ ھمدان بلوچ ھما ھاہ شھید بیتگ بلے پزل بلوچ ءُ ھکمت بلوچ ٹپّیگ بیتگ انے، رند ءَ 13 ستمبر 2024 ءَ ھکمت بلوچ ٹپّانی بازیں درداں اوپار نہ کتگ ءُ چرے جھان ءَ رُکست بیتگ۔
بی وائی سی ءِ رِد ءَ ھمے بابت ءَ 2 اگست 2025 ءَ بیگاہ ءِ شش بجا نوشکی ءِ ھَند (اسٹیشن نوشکی) یک یادگیریں رسمے برجاہ دارگ بیتگ ھمے روچ ءَ سرجمیں شھیداناں ستاشانی پیش کنگ بیتگ۔ ایشی ءِ تہ ءَ ھما شھید ھوار ات اَنت کہ بلوچستان ءِ جتا جُتائیں جاھاں بلوچ راجی مُچّی ءِ وھد ءَ شھید بوتگ اَنت۔ شھیدانی تہ ءَ نسیر بلوچ، کہ 27 جولائی 2024 ءَ تلار ءَ پورس ءِ دست ءَ شھید کنگ بوتگ ۔
نوشکی اسٹیشن ءِ نزیک ءَ شھیدانی یات ءَ کینڈل روک کُتگ، آیانی اکسانی سر ءَ پُل شانک داتگ، ءُ بی وائی سی ءِ نیمگ ءَ پمپلیٹ ماں براہوئی زبان ءَ آڈیو ءِ شکل ءَ پلے کنگ بیتگ۔
ھمے روچ ءَ نوشکی ءِ ھَند یک یادگیریں بورڈے کَل کُتگ کہ آ شھیدانی چوک یا شھدائے بلوچ راجی مُچی چوک ءِ نام دیگ بوتگ۔