انسانی ھکانی پُرکاری باسک گلزار دوست بلوچ انسداد دھشتگردی ءِ دو جتا جتائیں ارزی ناماھاں ماھے ءَ زندانی بوگ ءَ پد مروچی آمیدگس ءَ زمانت داتگ ءُ اَچ جیل ءَ یل کنگ بیتگ-
مروچی آمیدگس ءَ کیس ءِ گوشدارگ ءَ گلزار دوست ءِ زمانت ءِ منگ ءَ پد آئی ءَ آجوئی رس اتگ چریشی ءَ آئی ءِ کھول، وکیل ءُ چاگردی پھناتاں ستکی ءِ لیکہ درشانگ بیتگ انت – چاگردی ترامجاھاں آئی ءِ یل بوگ ءَ وشی ءِ درشان ءَ کنگ ءَ انت – بلے جتا جتائیں تکاں آئی ءِ سر ءَ جوڑینتگیں ارزی ناماں انگت ءَ آجوئی ءِ درشانانی ھلاپ ءَ کاروائی ءِ رنگ ءَ چارگ ءَ انت-
زانگ بہ بیت گلزار دوست بلوچ بلوچستان ءَ زورانسری بیگواھیانی ھلاپ ءَ زھرشانی ءُ انسانی ھکانی واستا مھکمیں توارے زانگ بیت انت- آئی ءِ دزگیری ءِ سر ءَ ڈیھی ءُ میانی تکاں زھر ءِ درشان بیتگ انت-