بلوچستان ءَ یک مردمے زورانسری بیگواہ، یکے آجو بیتگ

گوستگیں شپ ءَ لھڑی ءِ نزیک ءَ پاکستانی پوج ءَ یک لوگے ءِ سر ءَ بیڑبرتھ ماہ مدلی ء مسکلی نامیں مردمے آوار جنگ ءَ پد ناشناسیں جاھے ءَ برتگ-

کھول ءِ رِد ءَ بیڑ وھد ءَ پوج ءَ لوگ ءِ گرانبھائیں سامان ءُ یک پرپٹے ھم وتی ھمراھی ءَ برتگ گوں-

دومی نیمگ ءَ کیچ ءِ دمگ چہ آپسر بنڈے کلات ءَ زورانسری بیگواہ کنگ بیتگیں شمس ء محمد اسحاق پنچ سال ءَ رند آجو بیتگ ءُ جمعہ ءِ روچ ءَ وتی لوگ ءَ واتر سر بیتگ-

سمش سی جون 2021 ءَ پاکستانی پوج ءَ آوار جتگ ءُ بیگواہ کتگ اَت – آئی ءِ یل کنائینگ ءِ ھاتر ءَ کھول ءَ باز رند ءَ زھرشانی کتگ ءُ دمگی انتزامیہ ءَ گوں ھال کتگ-

زانگ بہ بیت کہ بلوچستان ءَ زورانسری آوار جنی ءِ دْرچ یکشل ءَ برجاہ اِنت، ءُ سانمندیں کھول یکشل ءَ زھرشانی ءَ اَنت – کھولانی لوٹ اِنت کہ آیانی دوستناکاں دیم ءَ بیار اِت ءُ اے درکانودی کار ءَ زوت ھلاس بہ کن اِت-