کلات اُرش ءَ پاکستانی پوج ءِ دو کارندہ ءِ کوش زمہ واری بی ایل اے ءَ منّ اِتگ

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں کلات ءَ یک اُرشے ءَ زورگریں پاکستانی پوج نشانگ کتگ-

جارکش ءَ گوشتگ بلوچ لبریشن آرمی ءِ سرمچاراں سے شمبے ءَ کلات ءَ شیخاجی ءُ شاہ مردان ءِ میان ءَ پاکستانی پوج ءِ پیادگ کارندھانی سر ءَ سنگر گپتگ ءُ اُرش کتگ- وتکاریں سلاھاں چہ اُرش ءِ آسر ءَ دو کارندہ مرتگ اَنت-

جارکش ءَ گوشتگ بلوچ لبریشن آرمی اے اُرش زمہ واری منّ اِیت-