کسان سالیں شهید جُنید کٍنگ ءُ گُڈّی تیر
نبشتہ کار : بادل بلوچ
دی بلوچستان پوسٹ
کسان سالیں ورنا جُنید جان ءَ نوشکی ءِ دمگ زورآباد ءَ نور اھمد ءِ گِس ءَ وتی چَم پچ کتگ انت- جُنید جان ءٍ گل ءِ کوڈ نام “کٍنگ” اَت اُمرے سک کسان اَت بلے پگر، سوچ، زانشت، مَارشت، جنگی رپک ءُ ہُنر اگاں بہ دیستیناں گُڑا تو نہ گُشتگ ات جنید ءِ بالاد کسان انت-
من ءَ یات اٍنت 2024 سال ءَ ورنا کسان سال پہ پارٹی ءِ پَٹ ءُ لوٹ ءَ آوار بوگ ءٍ واستا دگہ سے سنگت زور ایت یک لاگے پہ وت ءَ راشن، کمبل، سولر، وتی کُلیں چیزاں برابر کنت چہ شھر ءَ درکیت دیم پہ کوه ءَ کسان سال ءَ را پنچ روچ لگّ ایت پہ پارٹی ءٍ گٍندگ ءَ پنچ روچ ءَ پد مارا هال سر بوت کہ مئے نزیک ءَ چار مردُم اتکگ بلے توپک ءِ گون نیست گندگ ءَ پارٹی ءٍ سنگت انت گُڑا مئے دو سنگت شُت همیشانی چارگ ءَ داں شهید جُنید ءُ دگہ سے سنگت انت دومی روچ ءَ سنگتاں اوتاک ءَ آورت انت سنگتانی جُست ءُ پُرس برجاه اَت چہ چاریں سنگتاں گیش جُنید جان گَپ کُت چہ چاریں سنگتاں ھم کستر اَت واکی جُھد نہ کسانی چار ایت نہ مزنی نہ گریبی نہ سیری-
گُڑا دو روچ ءَ پد شھید جُنید گوں سئیں سنگتاں هیلکاری ءٍ واستا اُستاد ءِ اوتاک ءَ آرگ بوت انت سنگتانی ٹریننگ برجاه اَت کلاس برجاه اَت یک شپے پاکستان ءِ ڈرون ءُ جاسوسانی گردش بوت من لھتیں سنگت زُرت دگہ نیمگے پہ وسپگ ءَ شُتاں ایشانی تہ ءَ جُنید جان هم گون اَت چہ وپسگ ءَ پیسر ما کسانیں دیوانے کُت شھید جُنید جان ءَ وھدے گپ بندات کُت گُڑا سنگتاں همیش مارت کہ وانوکیں سنگتے پرچہ کہ ھر گپّے کہ جت ئِے گوں شُوکیں اندازے ءَ جت ئِے گُڑا کُل سنگت وپتاں من ءُ شھید جُنید دیوان ءَ ات انت داں سک دیر ءَ من جُست کُت چینکس ونتگ سنگت؟ کندگ ءَ لگیت گُشرے من اسکول نہ دیستگ منی زند گوں مزدوری ءَ گُوستگ من جُست کُت تو کُجام مکسد ءَ تھریک ءَ آوار بوتگ ئے گُڑا من ءَ گُشتے سرکار ءَ مئے سر ءَ کبز کُتگ مئے ماس ءُ گُهاراں بیگواه کنگ ءَ انت منی مکسد همیش اِنت من دژمن ءَ گوں شرّیں وڑے ءَ جنگ بکناں پُروشے بہ دیاں ، وھد گُوزان اَت ھر وھد ءَ جُنید جان ءِ گپ همیش اَت “من جنگ کناں جنگ کناں وتارا گُڈّی سُم کناں” متلب داں آکری تیر ءَ داں جنگ دیاں گُڈّی تیر ءَ وتارا جناں-
وھد گُوزان اَت منی سر داں نُھ ماه ءَ دگہ جاھے ءَ کپت کِنگ نہ دیست ءُ بازیں سنگتے نہ دیست گُڑا نھ ماه ءَ پد من شورّ پارود ءَ شُتاں پہ کارے ءَ جنگ ءِ تیاری ءَ چیزے سنگت گوں موٹراں روان دات ءُ چیزے سنگت گوں لاگاں زُرت من وت پنچ روچ ءَ پد سر بوتاں گوں موٹری سنگتاں “کِنگ” گون اَت وھد گُوزان اَت کِنگ ءَ گوں گپ تران کدی من اِد ءَ نہ اتاں کدی کِنگ گوں وتی کاراں دزگٹ اَت- گِدر ءٍ مزنیں کیمپ ءٍ کبزہ ءِ اراده کُتگ ات لشکر ءَ ما ھمیش ترتیب ءَ گوں دز گٹ اتاں داں لھتیں وھد ءَ کار سرجم بوت انت ما روگ ءِ اراده کُت بلے اے رندی سنگتانی گُشگ اَت کہ “کِنگ” ءُ دو سنگت دگہ اوتاک ءَ بہ ننداں گُڑا کِنگ ءَ ھمے هبر اِشکُت زهر زهر بوت کہ من ءَ جنگ ءَ بر اِت گوں باز هبراں پد کِنگ زورگ بوت گوں جنگ ءَ سپر یکجاه اَت داں کِنگ وتی جنگجاهے نیمگ ءَ شُت ما وتی جنگجاهے مئے جنگجاه ءَ دوستین جان شبید بوت ءُ دومی جنگجاه ءَ کِنگ- واکی جُنید جان تو وتی جیڑ اتگیں هیالانی سر ءَ امل کُت داں چار کلاک ءَ سوراب ءِ دمگ “گِدر” ءَ گوں دژمن ءَ جنگ دات ءُ وتارا گُڈّی تیر کُت-
گُڈّی تیر اِنت منی زندگی ءِ متاه
آخری فلسفہ آخری فلسفہ
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-