اسلام آباد: بلوچ کھولانی زھرشانی پانزدھمی روچ ءَ برجاہ

چہ بلوچستان ءَ دیم پہ اسلام آباد ءَ کھولانی زھرشانی مروچی پانزدھمی روچ ءَ برجاہ –

کھولانی زھرشانی ماں اسلام آباد پریس کلب ءِ نزیک ءَ برجاہ انت کہ اود ءَ بلوچ یکجھتی کمیٹی ءِ بنجاھی رھشون ءُ گار ءُ بیگواھیں بلوچانی کھول نندانک ءَ نشتگ انت-

کھول ءَ مروچی پانزدہ روچ سرجم بیتگ بلے سرکاری تکاں تنی وھدی آیانی گپ ءُ لوٹانی گوشدارگ ءَ کس گندگ ءَ نیتکگ انت-

کھولانی گوشگ انت مئے گم ءُ رنجانی ھیال ءَ ابید اود ءَ مارا یکشل ءَ ترس ءُ بیھارانی دیمپانی انت ءُ اود ءَ مئے زھرشانی ءَ ھواریں مردمانی ٹک ءُ نشان کنگ ءَ انت-

آیانی گوشگ انت کہ پانزدہ روچ ءِ گوزگ ءَ ابید ھم مارا اسلام آباد پریس کلب ءِ روگ ءَ نیلگ ءَ انت-

آیاں انسانی ھکانی گل، اھوالکار ءُ انسان دوستیں مھلوک ءَ چہ لوٹ کتگ ءُ گوشتگ آ مئے توار جوڑ بہ بنت ءُ اے گرانیں زُلم ءِ ھلاسی ءَ توار چِست بہ کن انت-