بلوچستان ءِ دمگ بارکھان سراتی ءَ دہ مردمانی لاش دزکپتگ انت کہ آں بی ایچ ڈی راڑشم ءَ برگ بیتگ انت ۔
چہ چہ لاشاں دزکپتگیں جار کاڈاں دہ مردمانی پجار کوھلو ءِ جتاجتائیں دمگاں سیادی داروکیں مردمانی ناماں بیتگ انت کہ آیانی تہ ءَ پائند خان ء تبو خان ، حسن ء عمر خان, شیر محمد ء نبی بخش ، اقبال ء نواب خان ، مزار خان ء مھر داد خان ، دین محمد ء در محمد ، گھر ء دین محمد ، وزیر خان ء نوارہ خان دامر بخش ء خدا بخش ءُ سید خان ء امیر ھوار انت ۔
چہ لاشانی گور ءَ دزکپتگیں پجار کاڈانی رد ءَ دھیں مردمانی پچار بیتگ انت ۔
کمان بوگ ءَ انت اے لاش پاکستانی لشکر ءِ بندیگ جاہ ءَ بیگواھیں مردمانیگ انت بلے داں انگت ءَ اے درگت ءَ سرجمیں اھوال نیتکگ انت۔