بلوچستان ءِ دمگ جھل مگسی ءِ کوٹڑا بازار ءَ سرکاری آرام گس ءِ سر ءَ سلاہ بندیں مردماں اُرش کتگ، ماڑی سرجم ءَ تباہ کتگ-
بنداتی ھالانی رد ءَ جانی تاوان نہ بوتگ، بلے نوں رس اِتگیں ھالانی رد ءَ کوٹڑا بازار ءِ ریسٹ ھاؤس سلاہ بندیں مردمانی اُرش ءَ سرجم ءَ تباہ بوتگ۔
بنشون ءِ رد ءَ اُرش ءِ وھد ءَ راکٹ لانچر آس دیگ بوتگ انت کہ ایشی ءَ چہ ریسٹ ہاؤس ءِ ماڑی سرجم ءَ تباہ بوتگ۔
داں انگت ء سلاہ بندیں گل ءَ اے وئیل ءِ ژمہ واری نہ زرتگ۔ زانگ بہ بیت کہ اے سال ءِ مارچ ءِ بنداتی ماہ ءَ بلوچ لبریشن آرمی ءَ جھل مگسی ءَ پاکستانی لشکر ءِ کاروان نشانگ جوڑ کتگ ات، وھدیکہ آئی ءَ بندش ءُ سرکاری مڈیانی سر ءَ اُرشانی زمہ واری ھم وتی سر ءَ زرتگ ات انت۔