مستونگ : پاکستانی پوج ءِ تیرگواری ءَ چہ دو مردم بیران، چُکاں ھوار یازدہ ٹپی بیتگ اَنت

پشمبے ءِ روچ ءَ مستونگ کھڈکوچہ ءَ پاکستانی پوج ءِ کاروان ءِ سر ءَ اُرش ءَ پد دمگ ءَ جاور ناگیگ گوشگ بیگ ءَ اِنت-

دمگی اِھوالکار ءِ رِد ءَ مروچی کھڈکوچہ ءِ ھند سر ءَ سلاہ بندیں مردم ءُ پاکستانی پوج ءِ میان ءَ برجاھیں میڑاں نزیکیں باگاں کار کنوکیں بگٹی ٹک ءِ دو مردم بیران ءُ پنچ دگہ سک ٹپی بیتگ اَنت-

بیران بیتگینانی تہ ءَ یکے ءِ بچّار ھدے ء ھیران نوثانی بگٹی جھمنند پیرکوہ ڈیرہ بگٹی نام ءَ چہ بیتگ – وھدے کہ دومی بیران بیتگیں ءُ ٹپیانی سیادی بگٹی ٹک جھلی شاک شالوانی ءَ گوشگ بیگ ءَ اِنت-

وھدے کہ چار چُکاں ھوار یازدہ شھری ٹپی بیتگ اَنت- گوں ناگیگ جاور شال ءَ برگ بیتگ اَنت-

زانگ بہ بیت کہ مروچی سھب ءَ مستونگ ءَ پاکستانی پوج ءِ یک مزنیں کاروانے ءِ سر ءَ اُرش بیتگ کہ تاں انو بازیں کارندھے مرتگ ءُ ٹپی بیتگ اَنت-

وئیل ءِ زمہ واری بلوچ لبریشن آرمی ءَ منّ اِتگ کہ گْوشتگ کہ تنی وھدے چل ءُ پنچ کارندہ مرتگ ءُ میڑ برجاہ ءَ اِنت-