بلوچستان ءِ تیاپ دپی شھر گوادر ءِ تھسیل چہ جیونی پانوان ءَ ھالانی رِد ءَ پانوان ءَ نُھ روچ ءَ چہ برجاہ پوجی انگیر ءَ چہ توژگی ڈوکال جوڑ بیتگ- تنی وھدے بازیں شھری یے پاکستانی پوج ءِ دست ءَ زورانسری بیگواہ کنگ بیتگ اَنت-
دی بلوچستان پوسٹ نیوز ڈیسک ءَ سر بیتگیں ھالانی رِد ءَ پاکستانی پوج ءَ بلوچستان ءِ دگہ دمگاں چہ ھمگرنچیں پوریاگر ءُ کار ءُ باری مردم پانوان ءَ دراھگ ءِ پرمان دیگ بیتگ اَنت-
نوکیں ھالانی رِد ءَ گوستگیں شپ ءَ پاکستانی پوج ءَ پانوان ءَ لوگانی پٹ ءُ پول ءِ میان ءَ زالبول ءُ چُک ھم لَٹ ءُ کُٹانی نشانگ کتگ اَنت ءُ بازیں مردمے زورانسری بیگواہ کتگ اَنت-
آیانی تہ ءَ برکت سخی داد، جلیل سخی داد، حسنین، سخی داد، جنید یاروک ءُ محمد ء حبش اُمر شست سال کہ شھید ھمل مومن ءِ پت ءِ پجّار ءَ بیتگ-
یکجاھی ھساب ءَ تاں انو چار درزن ءَ چہ گیش مردم زورانسری بیگواہ کتگ اَنت مروچی کنٹانی ءُ آئی ءِ کش ءُ گوراں ھم پوجی آپریشن ءِ ھال اِنت-