فیفا ورلڈ کپ 2026 ءِ کورٹر فائنل ءَ پرانس ءَ مراکش ءِ دیم ءَ دو گول ءَ گوازی کٹ اتگ ءُ سیمی فائنل ءَ شتگ ۔
دوشی پرانس ءُ مراکش ءِ میان بوتگیں گوازی ءَ اولی ھاپ ءَ ھردو ٹیم مکابلہ بوتگ انت وھدیکہ دومی ھاپ ءِ 60می ءُ شست ءُ ششمی منٹ ءَ پرانس ءَ دو گول داتگ ءُ گوازی کٹ اتگ ءُ سیمی فائنل ءَ سربوگ ءَ سوبمند بوتگ ۔
پرانس ءِ نیمگ ءَ اولی گول کلیان ایمباپے ءَ داتگ وھدیکہ دومی عثمان ءَ شست ءُ ششمی منٹ ءَ داتگ ءُ گوازی کٹ اتگ ۔
مراکش ءِ نیمگ ءَ داں گوازی ءِ گڈسر ءَ گولانی موکگ ءِ جھد کتگ بلے پرانس آیانی دیم جوانی ءَ داشتگ ءُ گول کنگ ءَ نہ اشتگ انت ۔
کورٹر فائنل ءِ دومی گوازی مروچی شپ ءِ ادار دہ ءُ نیم لاس اینجلس گوازی پٹ ءَ اسپین ءُ بیلجئیم ءِ میان ءَ بیت انت