بلوچ راجی آجوئی سنگر(براس) ءِ جارکش بلوچ خان ءَ رسانکدر ءَ شنگ کتگیں درشان ءِ تہ ءَ گْوشتگ کہ براس ءِ سرمچاراں ھُزدار ءِ دمگ زھری، بلبل ءَ زورگریں پاکستانی پوج ءَ تُرندیں اُرش ءِ نشانگ کتگ ءُ تاوانانی دیمپانی کتگ-
جارکش ءَ گوشتگ کہ سرمچاراں دو جون سے شمبے ءَ سھب ھپت ءِ نزیک ءَ زورگریں پوج ءِ بازیں گاڑیاں ھمگرنچ کاروان بلبل ءَ ھما وھد ءَ جتاجتائیں نیمگاں چہ سنگر گپتگ ءُ اُرش ءِ نشانگ کتگ وھدے آدمگ ءَ زوراکی ءِ نیئت ءَ پیشگامی جُھد ءَ بیتگ اَنت- سرمچاراں اُرش ءَ زورگریں پوج ءِ ھشت کارندہ جاہ پہ جاھی کشتگ ءُ یک گاڑی یے سرجمی ءَ تباہ بیتگ وھدے دُژمنیں پوج پُشتکنزی ءَ لاچار بیتگ-
جارکش ءَ گوشتگ اشی ءَ پد نیمروچ ءَ زورگریں پوج ءَ ٹینک، بکتر بند ءُ دگہ گاڑی دمگ ءَ پیشگامی کنگ ءِ جُھد ءَ بیتگ اَنت کہ سرمچاراں یکرندے پد ءَ دُژمنیں پوج ءِ یک بکتر بند گاڑی یے سک تاوان داتگ وھدے کہ آیاں گیچ جانی تاوان ءِ دیمپانی کنگ کپتگ-
جارکش ءَ گوشتگ کہ بلوچ راجی آجوئی سنگر (براس ) اے اُرشانی زمہ واری ءَ منّ اِیت-