بلوچستان ءِ دمگ آواران ءِ ھند مشکے ءَ کرفیو ءِ سبب ءَ دمگ ءِ نندوک جنجالانی آماچ انت۔
مشکے ءَ گوستگیں چہ دو ھپتگاں پاکستانی لشکر ءَ کرفیو جتگ۔ دمگ ءِ نندوکیں مردمانی روگ ءُ آیگ سرجمی ءَ بندش جنگ بیتگ۔
کرفیو ءِ سبب ءَ دمگ ءَ وردن ءُ وراک ءِ کمی ءِ آماچ انت ، وھدیکہ دمگ ءِ نندوکیں مردمانی مشکل گیش بوتگ انت ۔ دمگ ءِ مردمانی گشگ ءِ رد ءَ کرفیو ءِ سبب ءَ نادراہ ھچ نادراھجاہ ءُ ڈاکٹر ءَ سر کنگ نہ بوتگ اَنت ۔
اے درگت ءَ انگت ءَ واکداراں ھچ وڑیں ھال ءُ اھوال نہ داتگ۔
زانگ بہ بیت نوشکی شھر ءُ زھری ءَ ھم گوستگیں بازیں ماھاں کرفیو انت کہ پاکستانی لشکر ءِ نیمگ ءَ جتگیں کرفیو ءُ لاک ڈاؤن ءِ سبب ءَ شھری مشکلانی آماچ اَنت۔
گوستگیں وھد ءَ ائید ءِ موہ ءَ ھم بازار ویران بوتگ اَنت، پیسر ءَ کرفیو ءِ سبب ءَ بازیں نادراھانی بیران بوگ ءِ وئیل ھم بوتگ اَنت۔