بلوچستان ءِ دمگ نوشکی ءُ دالبندین ءَ پاکستانی پوج اُرشانی دیمپانی کنگ کپتگ وھدے کہ سلاہ بندیں مردماں پوج ءِ دو چوکیانی سر ءَ دستیگ کنگ ءَ پد سلاہ برتگ اَنت-
نوشکی ءِ دمگ زرین جنگل ءَ سلاہ بندیں مردماں پاکستانی پوج کاؤنٹر ٹیررازم ڈیپارٹمنٹ (سی ٹی ڈی) کاروان سنگر گپتگ ءُ اُرش کتگ-دمگی اِھوالکار ءِ رِد ءَ سی ٹی ڈی ءِ ھپت گاڑیانی کاروان ءَ ھوار یک گاڑی یے تچکی ءَ اُرش نشانگ ءَ اَتکگ-
اُرش ءَ سی ٹی ڈی ءَ جانی تاوان چست کنگ کپتگ بلے واکدار ءَ اے درگت ءَ ھچ وڑیں سرپدی دیم ءَ نیاورتگ-
دالبندین ءَ دو جتاجتائیں ھنداں خزانگی ءُ کردوک ءَ سلاہ بندیں مردماں لیویز فورس ءِ دو چوکیانی سر ءَ دستیگ کتگ اود ءَ ساڑی سرجمیں سلاہ برتگ اَنت-
ھالانی رِد ءَ سلاہ بندیں مردماں پوج کارندہ دزگیر کتگ اَنت بلے پد ءَ یل داتگ اَنت-
وئیل ءِ زمہ واری انگت ھچ گل ءَ نہ زرتگ-