بلوچستان ءَ جتاجتائیں اُرشانی زمہ واری بی آر جی ءُ یو بی اے ءَ منّ اِتگ اَنت

بلوچستان ءِ جتاجتائیں دمگاں بیتگیں اُرشانی زمہ واری بی آر جی ءُ یو بی اے ءَ منّ اِتگ اَنت-

بلوچ ریپبلکن گارڈز ءِ جارکش دوستین بلوچ ءَ گوشتگ کہ سرمچاراں بلوچستان ءِ دمگ کچھی ءِ ھند ھاجی شھر ریلوے اسٹیشن ءِ نزیک ءَ ریل ٹریک تراکناکیں شورو پٹ کتگ ءُ تراک ءَ چہ تباہ کتگ-

ھمے وڑ یونائیٹڈ بلوچ آرمی ءِ جارکش مزار بلوچ رسانکدر ءَ شنگ کتگیں درشان ءِ تہ ءَ گوشتگ کہ مئے سرمچاراں گوستگیں شپ ءَ کچھی ءَ بُنجاھی شھر ڈھاڈر ءَ برجاہ ڈپٹی کمشنر کارگس دستی بمب اُرش ءِ نشانگ کتگ-

یو بی اے ءِ جارکش ءِ درشان ءِ رِد ءَ تراک ءِ آسر ءَ ڈپٹی کمشنر کارگس ءِ ماڑی ءَ تاوان رس اِتگ وھدے کہ اود ءَ ساڑی بازیں کارندھے ڈپٹی ءُ سرکاری ماڑی ءَ ھم تاوان رس اِتگ-

گُڈی ءَ دوئیں گلاں بیتگیں اُرشانی زمہ واری منّ اِتگ اَنت گوشتگ کہ بلوچستان ءِ وتواجھی ءَ تاں مئے اُرش برجاہ بنت-