بلوچستان ءِ دمگ چہ کیچ ءُ پنجگور ءَ سئے مردم پاکستانی لشکر ءَ دزگیر کتگ ءُ بیگواہ کتگ اَنت۔
بیگواھیں مردمانی پجار ندیم ء حاصل خان ، محمد تاج ء تاج محمد ءُ سلیمان ء امان اللہ ءِ ناماں بوتگ اَنت۔
دمگی اھوالانی رد ءَ ندیم گوستگیں شپ ءَ کیچ ءِ دمگ تمپ ملک آباد ءِ دمگ ءَ لوگ ءِ سر ءَ بیڑ برگ ءَ دزگیر کنگ بوتگ کہ ایشی ءَ پد آ بیگواہ اِنت۔
ھمے وڑ 17 مارچ ءَ محمد تاج چہ کیچ ءِ دمگ شاپک ءَ ءُ سلیمان چہ پنجگور ءِ دمگ خدا آبادان ءَ دزگیر کنگ بوتگ کہ ایشی ءَ پد چہ ھما روچ ءَ بیگواہ اَنت۔