بلوچ ریپبلکن آرمی ءِ جارکش سرباز بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بلوچ سرمچاراں ڈیرہ بگٹی تھسیل سوئی گیس فیلڈ ءَ چہ کراچی ء رؤکیں سی شش انچ گیس پائپ لائن ءِ دو ڈنڈائی ءِ ھند سر ءَ تراکناکیں شورواں چہ تباہ کتگ- تراک ءَ پد گیس پائپ لائن ءَ آس کپتگ ءُ گیس پُجّارینگ بند بیتگ-
جارکش ءَ گْوشتگ اے کاروائی گوستگیں روچ ءَ بے میاریں ورنایانی دروگیں میڑ ءَ شھیدی ءِ پُشدر ءَ کنگ بیتگ- اے اُرش ءَ زمہ واری ءَ بی آر اے ءَ منّ اِتگ-