بلوچستان ءَ تیاپ دپی شھر ءَ گْوادر ءَ دگہ دو ورنا بیگواہ کنگ بیتگ۔
سرجمیں ھالانی رد ءَ چہ گوادر ءِ ھند ٹی ٹی سی کالونی ءَ پاکستانی لشکر ءَ لوگانی توک ءَ بیڑ بُرتگ ءُ فیروز ءُ شے مرد ء منیر ایڈوکیٹ لٹ ءُ کٹ کتگ ءُ گوں وت بُرتگ اَنت، آیانی اُمر شانزدہ ءُ پانزدہ سال گوشگ بیگ ءَ اِنت۔ دمگ ءِ مردماں دی بلوچستان پوسٹ گْوشتگ کہ لشکر ءَ بازیں کچے ءَ دمگ انگر ءَ کتگ ءُ اے وھد ءَ جنین ھم لَٹ ءُ کُٹ کتگ اَنت ءُ لوگ ھم پُرشت ءُ پروش کتگ اَنت۔
کھول ءَ ایشانی سلامتی یلو کنگ ءِ لوٹ کتگ،آیاں اے ترس اِنت کہ اے دگہ بُرتگیں مردمانی وڑ ءَ ایشانی چُکاں ھم وتگڑیں کیس ءُ یاکہ (مقابلے )ءِ کُشگ مہ بنت۔
زانگ بہ بیت کہ چہ گوادر بیست ءُ چار ادار ءِ دوران ءَ دنیگا چار زورانسری بیگواھی ءِ کیسز رپورٹ بیتگ اَنت ،آ بے کانونی ءِ گرگ ءَ رند بیگواہ کنگ بیتگ اَنت۔