بلیدہ ءِ دمگ چہ گلی ءَ سیادی داروکیں عمر جان ء حسن نامیں ورنایے مروچی نامالومیں سلاہ بندیں مردماں آوار جتگ ءُ برتگ-
کھول ءِ رد ءَ عمر جان سھب ءَ چہ لوگ ءَ ھمک روچی ئیں ڈول ءَ درکپتگ بلے کمے ءَ پد ھال اتکگ کہ آ زورانسری گاڑی ءَ سوار کنگ ءُ برگ بیتگ-
کھول ءِ رد ءَ عمر جان ءَ ھچ کس ءَ گوں زاتی دشمنی نیست انت ءُ آ یک پر ایمنیں شھری ءِ رنگ ءَ زانگ بیت اِنت-
آیاں گوشتگ آئی ءِ بیگواھی ءِ وئیل ءَ سرجمیں کھول زھنی ترس ءِ آماچ انت-
کھول ءَ مزنیں واکدار ءُ انتزامیہ ءَ دزبندی کتگ کہ آ گامگیج بہ زیر انت ءَ عمر جان ءِ یل دیگ ءَ سدکی بہ کن انت ءُ وئیل ءَ ھواریں مردم کانون ءِ درچ ءَ سزا دیگ بہ بنت اِنت-