کولواہ : پاکستانی پوج سر ءَ بیتگیں دو جتاجتائیں اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ مئے سرمچاراں کولواہ ءَ زورگریں پاکستانی پوج ءَ دو جتاجتائیں اُرشاں نشانگ کتگ چریشی ءِ آسر ءَ دو کارمند مرتگ ءُ یکے ٹپی بیتگ اَنت-

جارکش ءَ گْوشتگ بیست دو ءَ بی ایل ایف ءِ اسنائپر ٹیکٹیکل ٹولی ءَ دو نیم روچ دو ءَ کولواہ ءِ دمگ مادگ کلات ءَ برجاھیں ایف سی ءِ چیک پوسٹ ءَ ڈن اوشتوکیں دُژمنیں کارمند نشانگ کتگ اَنت، چریشی ءِ آسر ءَ یک دُژمنیں کارمندے یے جاہ پہ جاھی مرتگ-

جارکش ءَ گْوشتگ بیست سے فروری ءَ دگہ یک کاروائی ءَ کولواہ ءِ دمگ مالار وھلی کور ءَ دُژمن ءِ پیادگ پوج ءِ ٹولی ھما وھد ءَ نشانگ کتگ اَنت وھدے دُژمنیں پوج ءِ کارمند کوھانی تہ ءَ لشکر کشی ءِ نیئت ءَ پُترگ جُھد ءَ بیتگ اَنت – اے اُرش ءَ زورگریں دُژمنیں پوج ءِ یک کارمندے یے مرتگ ءُ یک کارمندے یے ٹپی بیتگ-

جارکش ءَ گْوشتگ کہ بی ایل ایف اے دوئیں اُرشانی زمہ واریاں منّ اِیت ءُ اے اِھد کنت کہ بلوچستان ءِ وتواجھی ءَ تاں زورگریں پوج سر ءَ اُرش برجاہ بنت-