گھڑیال
حمّل سادک
دی بلوچستان پوسٹ
وھد گوزوکیں اوگارے
کِسہ کوانیں دیوالانی چُنڈیں ھِشتے
سھت ءُ دمان گوں تیزیں گاماں
ھر چیز ءَ پلکان اَنت
زِر تئی گھڑیال ءِ کانٹا اوشتاتگ
آزمان ءِ دریگ ءَ بند اِنت کِشک
وھد ءِ ھلاپ ءَ ھرتال بہ بیت
وھد ءِ جند ءِ نوکیں ٹائراں مانداریں
کرن ءِ دگانی سرا
لشکر اوشتیت
جنگ نہ کُٹیت
اسپ تچانیں دمکانی تہا بیگواہ بنت
کُبل درانی زنگ نہ بنت
مئے باندات ءِ پولنگ شودگ بنت
ریک زمین ءَ سوت جناں
دلوت ملوت
دنز ءِ تہاریں زیبائی
نال شِدنت بگانی
بلکن زمستاں کونڈاں جنت
ارس رچاں گرماگ ءِ
زِرد لوار ءَ تنگےِ گیپت
سیاہ ءُ تہاریں ھورانی اسپیتیں ترونگل درنگاں
چم کپنت تاں گھڑیال ءَ
کانٹا ءَ یک ءُ نیم ءِ سرا
سر ایر کُتگ
گران وابیں۔