روکپتی بلوچستان ءِ بنجاھی شھر زاھدان ءَ ایرانی لشکر ءَ یک مردمے آوار جنگ ءَ پد بیگواہ کرتگ-
آوار جنگ بیتگیں مردم ءِ پجار مرتضی ریگی پنام ءِ مالک کبدانی ء قاسم جھمنند زاھدان ءِ نام ءَ زانگ بیتگ –
اھوالانی رد ءَ اے آوار جنی ءِ وئیل شمبے ءِ روچ ءَ ھمینی بازار زاھدان ءَ پیش اتکگ ءُ اود ءَ مرتضی نامیں ورنایے آوار جنگ ءُ بیگواہ کنگ بیتگ-
اھوالانی رد ءَ مرتضی یک موبائل دکانے ءَ کار ءَ بیتگ کہ اود ءَ لس پوشاکی کاربدھاں آوار جتگ ءُ گون وت برتگ-
آئی ءِ کھول ءَ گوشتگ مرتضی ءِ بیگواھی ءَ پد مارا ھچ ھال دیگ بوگ ءَ نہ انت کہ مرتضی کجا انت ءُ چتور انت-