روکپتی بلوچستان ءِ جتا جتائیں دمگاں پیش اتکگیں وئیلاں کساس بیست ءُ یک مردم زدگ بیتگ انت ءُ یک مردمے بیران بیتگ-
اھوالانی رد ءَ چہ زابل ءَ دراتکگیں گاڑی دیم پہ زاھدان ءِ راہ ءَ دگ ءِ وئیل ءِ آماچ بوتگ –
اھوالانی رد ءَ زابل ءَ دیم پہ زاھدان ءَ آیوکیں سَے گاڑیاں ٹکر وارتگ ءُ چریشی ءَ چہ ھژدہ نپر زدگ بیتگ اَنت ءُ یک مردمے بیران بیتگ-
زدگ بیتگیں مردم امیرالمومنین ھسپتال زابل ءَ برگ بیتگ اَنت-
ھمے وڑ اَچ چھبار ءَ پہ شیراز ءَ روکیں گاڑی ءِ وئیل آماچ بیتگ ءُ چریشی ءُ چہ سَے نپر زدگ بیتگ اَنت-
زدگ بیتگین مردم چھبار ءَ ھسپتال ءَ سر کنگ بیتگ اَنت کہ اود ءَ آیانی جان ھترہ ءَ چہ ڈن اِنت-