پاکستان پوج ءَ چیک پوسٹ ءَ چہ دو مردم بیگواہ کتگ-
بلوچستان ءِ تیاب دپی دمگ چہ گوادر ءَ پاکستانی پوج ءَ دورو کنڈگ چیک پوسٹ سر ءَ دو مردم آوار جنگ ءَ پد ناشناسیں جاھے ءَ برتگ اَنت-
اے مردمانی پجّار شعیب ء مراد محمد جھمنند دشت ءُ کمال ء حاجی داد محمد جھمنند دشت ناماں چہ بیتگ اَنت-
اے مردم ھما وھد ءَ آوار جتگ اَنت وھدے آ وتی لوگ ءَ روگ ءَ بیتگ اَنت-
زانگ بہ بیت گوستگیں بازیں روچاں چہ دشت ءُ گوادر ءِ دمگ لشکر کشی ءِ نشانگ ءِ تہ ءَ اِنت میتگانی سر ءَ بیڑبرگ وھدے کہ ھمے میان ءَ زورانسری آوار جنی ءِ ھم نکش کنگ بیتگ اَنت-