داستان هیروپ
آرپ وپا بلوچ
دی بلوچستان پوسٹ
بیا وتن مات ءَ پہ پدائی بئیں
هانلیں هاکءَ گوں وپائی بئیں
سد ستائی بئیں سد ستائی بئیں
بیا پدائی بئیں ما پدائی بئیں
ندر بئیں میرانیں سر ءُ ساه ءَ
جهدءِ آشوب ءِ لسهیں ماه ءَ
جند سدکہ ءُ سر سدکہ مئے
سوب جنگانی راست ءُ هک ءَ مئے
دپتریں تاریک بیست ءُ شش بیتگ
بیست ءُ چار سال ءِ گیگ ءُ گور بیتگ
دل دڈامبانی چہ شرشماں اتکگ
برپیں بولان ءِ نوبتاں دیستگ
سیاهجی ءِ کمباں شَری ءَ میتکگ
کلبر ءِ زیداں شاگے ءَ سستگ
سنج بیت بریگیڈ هار ءُ هیروپ ءَ
سمبهیت ماهل چاردهی نوک ءَ
شورهاں بندی کنت وت ءَ پیسر
جند ءَ کنت ندری کنت وت ءَ پیسر
ده منی کنگر ایر کپ ایت توک ءَ
تراک بیت بیلہ دشمن ءِ بنجل
چم بنت مات ءِ ارسیگیں کنجل
دیدگیں رزوان چو مزار گنجل
تیر پپوک ءَ چو شنگ بنت تالان
بیل منی جنگی چوٹلاں مالاں
آ جنید زهری گونڈلیں انگر
گوس منی میرک گپتگ ات سنگر
شپکتیں ورناه نپت بیت جمبر
گل پزل زهری ساهگریں الگر
پهر کنت ماهل کہ تئی گوادر
آسپ ءِ نام ءَ نوک بیت دپتر
چرکی دشمن دیم سیاہ بیتیں
چہ سد ءُ شست ءَ گیش کناں مردار
روک بنت تیب آجوئی کردار
شال ءُ مستونگ ءُ داں منی البرز
گپتگیں تیگاں گوں پدا گپتگ
ما ترا چوکہ دوگے ءَ منتگ
دشمنیں پنجاب تو بدار گوشاں
تو بہ کن چینی کہ سر ءَ هوشاں
اسلمءِ جهد ءِ راه نشان بیتیں
سمبهیت واهگ کلکشان بیتیں
کاروان همل کاروان بیتیں
یاسمین لمہ لولیاں بنداں
بچ ریهانیں پہ وتن چنڈاں
بابریں ارواه نوبتاں کایاں
پل کناں سلمان گوں سر ءُ ساهاں
آرپ ءِ اوست ءِ کہ سبا بیاهاں
جنگ بیت دانکہ گڈسری تیر ءَ
رنگ بیت دانکہ گڈسری تیر ءَ