بلوچ زالبول، کماش ءُ ورنایانی وارس بلوچ جھدکار اَنت- بی ایل اے فدائین فضل گل زھری ءُ جنید زھری ءِ کلوہ شنگ

بلوچ زالبول، کماش ءُ ورنایانی وارس بلوچ جھدکار اَنت- بی ایل اے فدائین فضل گل زھری ءُ جنید زھری ءِ کلوہ شنگ

بلوچ لبریشن آرمی ءِ آفیشل چینل ھکّل ءَ فدائی فضل گل زھری پنام ءِ شاویز ءُ فدائی جنید زھری پنام ءِ کامی ءِ تامر بندی کلوہ شنگ کتگ- بی ایل اے ءِ مجید برگیڈ ءِ ھردوکیں فدائیناں بی ایل اے ءِ آپریشن ھیروپ ءِ درچ ءَ25-26 اگست ءَ بیلہ ءَ پاکستانی پوج ءِ بنجاھء ھیڈکوارٹرز ءِ سر ءَ وتی دگہ ھمراھانی ھمراھی ءَ نشانگ کتگ-

دوازدہ منٹ ءَ ھواریں تامربند ءِ بندات ءَ فدائینانی جتا جتائیں دروشمانی اکسبندی بیت اِنت ھمے ڈول ءَ دومی ندارگ فدائی فضل گل زھری آشوبی شَیر ءَ گوش ایت –

تامر بند چار بھراں ھوار اِنت چریشانی توک ءَ فدائی فضل گل زھری، فدائی جنید زھری ءِ کلوہ ءُ پد ءَ ھردوکیں ھمراہ بلوچ ورنا گیچین وتی ھند ءَ سیادی داروکیں ورنایانی نام ءَ کلوہ ءُ گڈسری ءَ فضل گل زھری ءِ ’ بلوچ راجی زرمبشت‘ ھوار بوگ ءِ درگت ءَ گپ کنت اِنت-

فدائی فضل گل زھری وتی کلوہ ءَ گوش ایت درستاں پیش وتی ڈیھ بلوچستان ءِ واستا کربان بوھوکیں دراھیں ھمراھاں سھریں دروت انت من وتی فدائی امل ءِ پیسلہ ءَ ھوش ءُ ساری ءَ کتگ-

آ گوش ایت منی اے جھد ءِ آجوئی ءِ راہ ءَ جنزگ ءِ سبب ھماکہ ڈیھ ءِ بدھالی، مات ءُ گوھارانی چھانٹ، دریانی اے ڈیھ ءِ زورگری ءُ مئے پجار ءِ ھلاس کنگ ھوار اَنت اے سبباں من فدائی بوگ ءِ پیسلہ کتگ – ایشی ءَ ابید ھما ھمراہ کہ فدائی بوتگ انت یا دگہ دروشم ءَ شھید بیتگ انت ھما ورنا کہ سالانی سال دشمن ءِ زنداناں لٹ ءُ کٹ سگگ ءَ اَنت یا ھما سنگت کہ کوھاں درد اوپار کنگ ءَ اَنت ءُ وتی بدن ءَ گوں ھیداں شودگ ءَ اَنت آیاں کتگیں کول ءِ سرجم کنگ ءَ آیانی گون ءَ ھمگام بوگ ءَ ھمایانی کاروان ءِ ھوار بوگ ءِ واستا اے پیسلہ گچین سرپد بوگ ءُ مجید برگیڈ ءِ بھر بیتگ اَنت-

آ دیمتر ءَ گوش ایت کہ آ پیسر ءَ فدائین ھمراہ آیاں وتی ساہ ندر کتگ ءُ وتی ھون آیوکیں باندات ءِ واستا ریتکگ اَنت ھمایانی جزبگ ءَ من ءَ ھاٹیگ داتگ ھمایانی کاروان ءِ بھر بہ باں – مروچی ھما سنگتانی کربانی سوگات ءَ یک بد زاتین دشمنے ءِ پروش ورگ ءَ وتی چماں گندگ ءَ اَنت ءُ آ اے سرپد بیت اِنت سرمچارانی گامانی دارگ منی وس ءَ نہ اِنت-

فضل گل زھری گوش ایت مارا اُمیت ءُ ستک اِنت کہ اَچ ما پد اے توپک ءَ مئے ھمراہ چِست کن اَنت ءُ مارا چہ پد اے کاروان ءَ ھزارانی ھمبل ھوار بنت ءُ دشمن ءِ ھما جاہ کہ مھکم اَنت ھمود ءَ پُتر اَنت بے مھکم اش کن اَنت ءُ دشمن ءَ اے سرڈگاڑ ءَ کش اَنت ءُ وتی آیوکیں باندات ءَ آجو کنگ ءَ وتی بھر ءَ ھوار کن اَنت-

آ دیمتر ءَ گوش ایت من ھما ورنایاں گوشگ لوٹ آں کہ ھاکمانی پشت ءَ اَنت اَچ وت ءَ آیاں جتا بہ کن اَنت-

فدائی جنید زھری پنام ءِ کامی وتی کلوہ ءَ گوش ایت سلام ءُ دروت منی راج، سلام ھما شھیداں کہ آیاں وت ءَ ٹکر ٹکر کتگ ءُ اے سرڈگار ءِ واستا وت ءَ کربان کتگ – مارا ھما ھاٹیگ داتگ ما اے جاہ ءَ سر بیتگ ءُ فدائی ءِ پیسلہ کتگ منی اے پیسلہ پکری ءُ زانشتی یے –

آ گوش ایت گپ باز بیت اِنت، کربان بوتگیں شھیدیں سنگتاں اے راج ءِ واستا بازیں گپ یل داتگ اَنت، منی گپ ھم ھما اَنت – دراھیں جاورھال مئے راج ءِ دیم ءَ پدر اَنت کجام رنگ ءَ دشمن پنجابی ءُ آئی ءِ ھمراہ سی ٹی ڈی، آئی ایس آئی کجام رنگ ءَ مئے بلوچ برات، ورنایانی ھلاس کنگ ءَ رندگیری کنگ ءَ اِنت اے زلم ءُ بربریت ءُ زوراکی ءِ ھلاس کنگ ءَ ما درکپتگ اِنت ءُ ھما کساس ءَ سر بیتگ اِنت فدائی کنگ ءِ پیسلہ کتگ-

آ دیمتر ءَ گوش ایت پاکستان ءُ آئی ءِ ادارھاں اے گوشگ لوٹ آں ھما رنگ ءَ تو مئے مات ءُ گوھارانی گون ءَ کنگ ءَ ئے کجام رنگ ءَ آیانی گشاناں چِکگ ءَ ئے ھمیشانی ھلاپ ءَ ما چِست بیتگ اِنت ءُ اے جاہ ءَ سر بیتگ اِنت- تئی کجام جاہ تئی واستا مھکم نہ اِنت تو ھمود ءَ وت ءَ مھکم سرپد بہ ئے ما ھمود ءَ پُتریں ءُ ترا وتی مات ءُ گوھارانی بیراں گریں-

فدائی جنید گوش ایت ھما رنگ ءخ تو دگانی سر ءَ مئے مات ءُ گوھارانی گشاناں چِکگ ءَ ئے، مئے پت ءُ براتاں بیگواہ کنگ ءَ ئے تو اے سرپد مہ بو مہ بلوچ ءُ بلوچ ءِ نسل ءَ پھل کنت اِنت آیانی وارس ما کوھاں نشتگیں بلوچ جھدکار اَنت آیانی وارس اِنت ءُ کاینت ءُ ترا وتی بیراں گر اَنت-

آ گوش ایت من گیش گپ نہ جناں پرچاکہ وھد کم اِنت وتی مردماں گوں گپ بہ جناں، شور ءُ شار ءَ وتی راج ءَ بہ چکاں، ما وتی امل، وتی کربانی ءَ راج ءَ پیش داریں کہ راج ءِ پھریزگ ایوک ءَ سیاست ءُ گپ ءُ تران ءَ نہ بیت اِنت بلکیں وتی ھون ءُ کربانی دیگ لوٹ ایت – چریشی ءَ پد راج ءِ بدھالی ءُ بزگی ھلاس بیت اِنت ءُ وتی منزل ءِ آجوئی ءَ سر بیت اِنت –

بلوچ جھدکاراں آ کلوہ دیان ءَ گوش ایت من ھما بلوچ جھدکاراں گوشگ لوٹ آں کہ ات زرمبشت ءَ دیم ءَ برگ ءَ اَنت، منی ھمراھاں اَچ من پد اے جھد، اے زرمبشت شُمئے امانت اِنت شما وتی سنچداری، ایمانداری ءَ اے جھد ءَ دیم ءَ بہ بر اِت- وتی مردماں گوں ڈک بہ ور اِت، آیاناں سرپد بہ کن ات ءُ باز مھر ءِ گون ءَ وتی راج ءَ گوں پیش بہ بیت پرچاکہ پنجاپی ءَ مارا بلوچ یکے دومی ءَ باز گستا کتگ اَنت اے دوریاں ھلاس بہ کن ات وتی مردمانی گون ءَ گند ءُ نند بہ کن ات آیاں گوں مھر ءَ سرپد بہ کن اَنت دانکہ اے جھد ءَ نزیک بہ بنت ءُ دشمن ءَ دور بہ بنت، انشاء اللہ ما آجوئی ءَ گریں-

تامربند ءِ سیمی بھر ءَ ھردوکیں فدائی ھمگرنچی ءَ بلوچ ورنایاں ءُ گچین وتی ھندانی ورنایاں گپ کنان ءَ گوش اَنت – تامر بند ءَ فضل گل زھری گوش ایت شھر ءِ ھما ھمراھاں گوشگ لوٹ آں ھمایاں مئے دوستی بیتگ نند ءُ پادا بیتگ، فٹ بال ءِ وڑیں گوازیاں دزبندی بیتگ شمئے دوستی اینچک مہ بیت اِنت مروچی ما اے جاہ ءَ سر بوتگ اِنت شمارا ھم ھمے جاہ ءَ سر بوگی اِنت پرچاکہ سنگتی ھنچیں یک مھرے یک سنگتے جھد ءُ پد ءَ مجید برگیڈ ءِ بھر بیتگ من ءَ امیت اِنت منی شھیدی ءَ پد منی ھما سنگت کہ پکنک، فٹ بال ءِ ھمراہ یا کلاس تبک بیتگ اَنت آ کاینت اے جھد ءِ بھر جوڑ بنت اِنت اے جھد ءَ وتی جھد سرپد بہ بیت، اے درستانی جنگ اِنت، اے ھک ءُ بکاہ ءِ جنگ اِنت مارا اُمیت اِنت انشاء اللہ ایشی ءَ ما باج ءَ بریں-

آ گوش ایت اگاں دوستی چارگی اِنت گڑا کامران جان ( فدائی جنید) منی ھم مکبت بیتگ اے جھد ءُ گڈی ساھت ءَ منی ھمراہ اِنت اگاں دوستی کنگی اِنت گڑا اے داب ءَ بہ کن ات کہ مرگ ءَ داں شریں مکسدے ءَ سر بہ بہ ایں وت ءَ دگہ جاگھے ءَ زوال مہ کن ایں منی ھیال ءَ جھد ءِ بھر بہ بیت-

تامر بند ءِ چارمی بھر ءَ فدائی فضل گل زھرء وتی ’ بلوچ جھد آجوئی‘ ءِ زرمبشت ءَ ھوار بوگ ءِ درگت ءَ گپ کنت اِنت کہ ھمود ءَ یک ھمراھے جست کنتے کہ کامریڈ کجا روگ ءَ ئے؟ ایشی ءِ پسو ءَ فضل گل زھری پسو دنت کربان، مشن ءِ تیاری، ما روگ ءَ ایں بس آیوکیں نسل ءُ باندات ءِ واستا وت ءَ کربان کنگ ءَ ایں مارا امیت ءُ ستک اِنت کہ مارا پد مئے ھمراہ اے توپک ءَ چست کن اَنت بازیں ھمراہ کاینت اے توپک ءَ بڈا کن اَنت ءُ دشمن ءَ آئی ءِ کینٹانی توک ءَ گیر مھپوز کن اَنت ءُ آئی ءَ چہ مئے ڈیھ ءَ کش اَنت – دشمن نی اے سرپد مہ بیت کہ آ وتی کینٹانی توک ءَ مھپوز اِنت دشمن نی مارا کوھاں شوھاز مہ کن نی تو ودار بہ کن ما وت کائیں تئی جنگ ءَ ھما جاھاں تو وت ءَ مھپوز سرپد بیتگ ئے الھمداللہ اود ءَ مئے سنگت سربیتگ اَنت ءُ ترا نشانگ کن اَنت-

چہ آئی ءَ جست گرگ بیت اِنت راج ءِ واستا چی کلوہ اِنت؟

پسو ءَ فضل گل زھری گوش ایت کہ راج مروچی درستیں چیزاں سرپد اِنت ھمک دمگ ءَ ورنا شھید بیتگ اَنت آیانی دیم ءَ اَنت راج ءَ ھچ بر نہ گوش ایں بیا ھوار بہ بہ ئے بلکیں اے درستانی ھک ءُ پرز اِنت وتی پرز ءَ پیلو بہ کن اَنت اگاں کسے مروچی ادا نہ کنت دانکہ پاکستان بنگال ءِ ڈولیں کسہ بندات کنت، گڑا آیاں مجبور بوگ ءُ سلاہ چست کنگ کپ ایت ھما جوانتر زانت، مروچی سلاہ چست بہ کن ایں یا باندا یا بنگال ءِ ڈولیں جاور بہ بنت چست بہ کن ایں یکے وَ آ بنگال ءِ ڈولیں ھالات نہ بنت، آ بنگال بیتگ ءُ اے بلوچ اَنت بلوچ انشاء اللہ آ کچ ءَ روگ ءَ یل نہ کنت-

جست گرگ بیت اِنت تو جھد ءِ بھر بیتگے ءُ مجید برگیڈ ءِ ھم بھر جوڑ بیتگ ئے ءُ وتی راجی پرز ءِ پیلو کنگ ءَ روگ ءَ ئے ایشی ءِ بنکی سبب چی اَنت ؟ کجام رنگ ءَ جھد ءِ بھر بہ بہ ایں؟

فضل گل زھری اے جست ءِ پسو ءَ گوش ایت کربان من درستیں شھیدانی نام ءِ سر ءَ، شھید شاویز ءُ شھید آفتاب جان کربان بوتگ اَنت مئے پکر ءُ سما جھد ءِ نیمگ ءَ کش اتگ ات ئے – ایشی ءَ پد ما باز جھد کتگ ءِ جھد ءِ بھر بہ بہ ایں بلے گلانی رھبند ترند اَنت ءُ ما بازیں وھداں داں سنگتاں سر نہ بوتگ اِنت-

آ گوش ایت پد ءَ وھدیکہ سائین جان ( فدائی ھاپز زیشان زھری) وھدیکہ کوھانی نیمگ ءَ درکپتگ مئے لوگ ءِ مردم بیتگ چریشی ءَ پد ما آئی ءَ گوں رھوت ءَ بیتگ اِنت ھماھی ءِ سبب ءَ چہ ما اے جاہ ءَ سر بیتگ اِنت من ھما ( زیشان زھری) ءَ کربان بہ باں کہ آئی ءَ من ءَ تھاریں شپ ءَ کش اتگ شریں رژنائیں راھے ءَ جنزیتگ مروچی آ مجید برگیڈ ءِ بھر بیتگ ءُ کربان بیتگ من ھماھی ءِ توپک چِست کتگ ءُ من ءَ ستک اِنت کہ اَچ من پد منی توپک ءَ منی سنگت چست کن اَنت ءُ مجید برگیڈ ءِ بھر جوڑ بنت اِنت-