مستونگ ءِ ھند درینگڑہ ءَ تیرگواری ءَ لیویز ءِ کارندھاں ھوار سَے مردم بیران بیتگ اَنت- ءُ ایس ایچ او ءَ ھوار سَے کارندہ زدگ بیتگ اَنت-
گیشین اھوالانی رد ءَ بلوچستان ءِ دمگ مستونگ ءِ ھند درینگڑہ ءَ تیرگواری ءَ دو کارندہ بیران بیتگ ءُ ایس ایچ او ءَ ھوار سَے کارندہ ٹپی بیتگ انت، تیرگواری ءَ یک زھرشانی کنوکے ءِ بیرانی ءِ ھال اِنت-
مستونگ ءَ ھال اِنت وئیل ءَ پیش لیویز پورس ءَ کاروائی کنان ءَ یک مردمء دزگیر کتگ بیتگ چریشی ءَ دزگیر بیتگیں مردم ءِ ھمراھاں آئی ءِ یل کنگ ءَ دگ بند کتگ بیتگ ءُ لیویز پورس ءَ درینگڑہ ءَ ھواریں زھرشانی کنوکانی شنگ ءُ شانگ کنگ ءِ جھد کتگ بیتگ ءُ زھرشانی ءُ لیویز ءِ میان ءَ جنگ ءُ چوپ ءَ تیرگواری ءِ آسر ءَ لیویز ءِ کارندھاں ھوار سَے مردم بیران بیتگ اَنت-
زدگ ءُ لاش نواب گوس بکش رئیسانی میموریل ھسپتال ءَ برگ بیتگ اَنت – بیران بیتگیں کارندھانی پجار ممتاز اھمد ء اللہ بکش ءُ بابو مزار خان ء مھمد بخش ءِ ناماں زانگ بیتگ اَنت دومی نیمگ ءَ ایس ایچ او درینگڑہ ھاجی ایاز اھمد ء مھمد اسمان ءَ ھوار کارندہ نعیم ء عبدالعلیم حبیب اللہ ء سرفراز سک ٹپی بیتگ اَنت-