روکپتی بلوچستان ءِ بنجاھی شھر زاھدان ءَ بندیگیں شش کسانی پاھو دیگ ءِ ھکم ءَ دگہ یکے ءِ پجار بیتگ-
پاھو ءِ ھکم ءَ جتائیں کوٹی ءَ برگ بیتگیں مردم ءِ پجار مسعود شیخ ءِ نام ءَ زانگ بیتگ آ زابل ءِ جھمنند انت –
اھوالانی رد ءَ مسعود شیخ لھتے سالاں پیش کوش ءِ بھتام ءَ زابل ءَ گرگ بیتگ ءُ پد ءَ زاھدان ءَ آرگ بیتگ-
گوستگیں دوشمبے ءَ ایرانی آمیدگس ءَ شش کسانی پاھو دیگ ءِ ھکم داتگ کہ ششیں کس جتائیں کوٹیاں برگ بیتگ اَنت-
شش کسانی توک ءَ چار کس ءِ پجار پیش ءَ کنگ بیتگ کہ آیانی سعید ھسنزئی، پرزاد سنچولی، رودینی ءُ نور مھمد ءِ ناماں زانگ بیتگ ات اَنت کہ یکے ءِ پجار انگت نہ بیتگ-
ششیں کس جتا جتائیں ھنداں سیادی دار اَنت ءُ یکے ءِ سیادی اوگانستان ءَ ھواریں دمگ نیمروز ءَ انت-