مستونگ ءِ دمگ اسلپنجی ءَ پاکستانی پوج ھیلی کاپٹرانی یکشل ءَ بُرز بال برجاہ ، دگہ گیش چوکی جوڑ کتگ-
ھالانی رِد ءَ گوستگیں روچ ءَ پاکستانی پوج ءَ ھیلی کاپٹرانی بُرز بال یکشل ءَ برجاہ ءَ اِنت-
اِھوالکار رِد پوج نیمگ ءَ چہ چیک پوسٹاں تُرندیں پٹ پول برجاہ ءَ اِنت وھدے کہ پوج اسپلنجی کش گوراں گیش چوکی جوڑ کتگ-
دمگی اِھوالکار ءَ ٹی بی پی ءَ گْوشتگ کہ بازیں گاڑی یے ھواریں کاروان مچھ ءَ چہ اسلپنچی ءَ سر بیتگ-
ھمے وڑ دمگ ءَ موباھل نیٹورکس بند کنگ بیتگ اَنت – دمگ ءَ مزنیں کچے ءَ پوجی لشکر کشی ءِ گمان کنگ بیگ ءَ اِنت-
زانگ بہ بیت گوستگیں روچ ءَ کلات ءِ کوھی دمگاں پوجی ھیلی کاپٹرانی یکشل ءَ بُرز بال برجاہ ءَ اِنت وھدے کہ سائیجی ءَ پاکستانی پوج کاروانانی آیگ ءَ ھوار نوکیں چوکی جوڑ کنگ ھال دیم ءَ اَتکگ اَنت-
واکدار ءَ پوجی سُر پُرانی ءُ گیشی ءِ درگت ءَ انگت ھچ وڑ ھال شنگ نہ کتگ-