بلوچستان ءِ تیاب دپی شھر گوادر ءَ بیست ھشت جولائی ءَ بیوکیں راجی مُچی ءَ گر ءُ دار ءَ گوادر ءَ پد تربت ءَ دامگ بند کتگ-
ھمے وڑ بلوچستان ءِ بُنجاھی شھر شال ءَ ھال اِنت پولیس ءَ زوراکی ءَ کنان ءَ بلوچ یکجھتی کمیٹی ءِ یازدہ باسک ءَ دوزواہ دزگیر کتگ اَنت-
بلوچ یکجھتی کمیٹی ءِ راھشون شاہ جی ءَ گْوشتگ کہ سرجمیں گوادر ءَ اے وھد ءَ نیٹورک ءُ دامگ رھوتی سرجم بند کتگ اَنت چریشی ءِ سبب ءَ چہ سرجمیں نزام سر ءُ چیر بیتگ اَنت ءُ تلار ءَ راہ ءُ در بند کتگ اَنت-
آیاں گْوشتگ کہ مساپرانی روگ آیگ ءِ دلسیاھی ءِ دیمپان، سرجمیں تلار چیک پوسٹ ایف سی ءَ اوشتوک اَنت، ھچ کس ءَ روگ ءِ راہ دیگ ءَ نہ اَنت بازیں مساپر اے وھد ءَ دلسیاھی ءِ جاور اَنت-