بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں دوشی شپ ءِ ھشت ءَ ھاران ءِ ھند البت ءَ برجاھیں پاکستانی پوج ءِ پانگس گوں نوکین ءُ وتکاریں سلاھان نشانگ کُرتگ کہ چہ ایشی ءَ یک کارمندے مُرتگ ءُ دو ٹپی بیتگ اَنت۔
جارکش ءَ گْوشتگ بی ایل ایف ءَ جنگی پِڑ ءَ پاکستان انگر کُرتگ ءُ سَسّائی پروش داتگ۔ سَسّائی ناگیگی ءِ آماچی ءِ سْوب ءَ ریاست ءِ لشکری کارمند لس مردماں نشانگ کنگ ءَ اَنت ءُ وتی پروش ءِ بیر ءِ گرگ ءِ جُھد ءَ کنگ ءَ اِنت۔ بلے ریاست ءَ زانگ لوٹ ایت کہ بلوچستان زورگِپت اِنت ءُ ریاست ءَ ھرچ کجا نشانگ کنگ ءُ پروش دیگ بیت۔
جارکش ءَ گْوشتگ بلوچستان لبریشن فرنٹ اے اُرش ءِ زمہ واری ءَ منّ ایت ءُ داں زورگِپتیں بلوچستان ءِ آجوئی ءَ پاکستانی پوج ءَ نشانگ کن ایں۔