روکپتی بلوچستان ءَ پیش اتکگیں تیرگواری وئیلاں یک مردمے بیران بیتگ ءُ دگہ یکے زدگ بیتگ-
گیشیں اھوالانی رد ءَ پھرہ ءَ وتی سنگتانی میان ءَ پیش اتکگیں یک جیڑھے ءِ سر ءَ وتی ھمراھانی تیرگواری ءَ یک مردمے بیران بیتگ-
اھوالانی رد ءَ بیران بیتگیں ورنا ءِ پجار امیر ھمزہ ءِ نام ءَ زانگ بیتگ کہ آئی ءِ اُمر ھژدہ سال گوشگ بیتگ-
اھوالانی رد ءَ امیر ھمزہ ءَ وتی ھمراھانی میان ءَ پیش اتکگیں وئیل ءَ وت ءَ دیم ءَ داتگ ءُ جان ندر کتگ-
دومی نیمگ ءَ سراوان ءَ ایرانی لشکر ءَ تیرگواری کتگ ءُ یک مردمے زدگ کتگ-
گیش گوشگ بیتگ کہ سراوان ءَ ایرانی لشکر ءَ تیل کشین گاڑی یے سر ءَ تیرگواری کتگ ءُ اود ءَ ارمان شئلی نامیں مردمے زدگ بیتگ-
زدگ بیتگیں مردم نادراہ جاہ ءَ اود ءَ آئی ءِ ٹپ درمان بوگ ءَ اَنت-