روس: ماہ یِ سر ءَ رؤکیں لونا بیست ءُ پنچ کپتگ ءُ تباہ بوتگ

ماہ ءِ سر ءَ دیم دیگ بوتگیں روس ءِ لونا بیست ءُ پنچ ماہ ءِ سر ءَ نندگ ءِ میان ءَ کپتگ ءُ تباہ بوتگ –

روس ءِ خلائی ایجنسی ءِ نیمگ ءَ اولی درشان دیگ بوتگ ات کہ ماہ ءِ سر ءَ دیم دیگ بوتگ لونا بیست ءُ پنچ ءِ لھتیں ھرابی ءِ ھال سر بوتگ انت –

روس ءِ خلائی ایجنسی رِد ءَ آپریشن ءِ میان ءَ وتکاریں اسٹیشن ءَ ناگیگی ءِ جاور ودی بیتگ اَنت ءُ ماہ ءِ سر ءَ نندگ ءَ پیسر اژردی ءِ جاورھالانی سرپدی بیتگ اَنت ءُ لونا بیست ءُ پنچ ءِ زانتکار پیش اتکگیں اژدری ناگیگی ءَ چار ءُ ٹپاس کنگ ءَ اَنت-

زانگ بہ بیت ماہ ءِ تہ ءَ لونا بیست ءُ پنچ بیست ءُ یک یا بیست ءُ چار اگست ءِ میان ءَ ماہ ءِ زرباری لمب ءَ ایرگیجگی بوتگ –

ھندوستان ءِ چندریان سَے چاردہ جولائی ءَ دیم دیگ بوتگ، رؤگ ءَ پد تاں دہ روچ ءَ آ زمین ءِ کشش ءَ بوتگ ءُ پد ءَ پنچ اگست ءَ سوبمندی ءِ گون ءَ ماہ کشش ءَ پُترتگ ءُ بیست ءُ سَے اگست ءَ ماہ ءِ زرباری لمب ءَ ایر آیگ ءِ جھد ءَ کنت –

اگاں چندریان سَے زرباری لمب ءَ ایر آیگ ءَ سوبمند بیت گڑا ھندوستان ماہ ءِ سر ءَ زرباری لمب ءَ ایرکپوکیں اولی ڈیھ بیت اِنت –