آئی پی ایل 2023: گڈی گوازی ءَ چنئی سُپر کنگز ءَ پنچ وکٹاں باج بُرتگ

نئی دھلی: انڈین پریمئیر لیگ ءِ شانزدھمی سیزن ءِ گڈی گوازی (فائنل) ءَ لیبی رویندر جڈیجہ ءِ گڈی بال ءِ چوکے ءِ بدولت ءَچنئی سپر کنگز ءَ گجرات ٹائٹنز پنچ وکٹاں پروش داتگ ءُ پنچمی رند ءَ آئی پی ایل کپ وتی نام ءَ کُتگ –

ھئور ءِ سوب ءَ سی ایس کے ءَ پانزدہ اوورانی تہ ءَ یکسد ءُ ھپتاد ءُ یک رنانی ٹارگٹ پروشگی ات ءُ چنئی ءَ اے ٹارگٹ پانزدہ اوورانی تہ ءَ پنچ وکٹانی تاوان ءَ پروشتگ –

گجرات ءَ اولسر ءَ بیٹنگ کنان ءَ چار وکٹاں دوسد ءُ چاردہ رن جوڈ کتگ – پہ ٹارگٹ ءِ پروشگ ءَ سی ایس کے ءِ اولی اوور ےِ سیمی بال ءَ پد ھئور پدا بندات بوتگ کہ چریشی ءَ باز وھد شُتگ کہ شپ ءِ ادار دوازدہ ءُ دھ ءَ گوازی پدا بندات کنگ بوتگ ءُ پانزدہ اووراں یکسد ءُ ھپتاد ءُ یک ٹارگٹ ایر کنگ بوتگ – سی ایس کے ءَ ھئور ءَ ساری سَے بالاں چار رن جوڈ کتگ بوتگ –

سی ایس کے ءِ نیمگ ءَ ریتوراج ءُ ڈیون کانوے ءَ گوازی ءِ بندات گوں جوانی ءَ کتگ ھردوکاں اولی وکٹ ءِ ھاتر ےَ ھپتاد ءُ چار رن ھواری ءَ جوڈ کتگ کہ پدا ریتوراج نور احمد ءِ بال ءَ راشد خان ءِ دست ءَ کیچ آؤٹ بوتگ – گائیکواڑ شانزدہ بالاں بیست ءُ شش رنانی جوڈ کنگ ءَ پد اؤٹ بوتگ –

چریشی ءَ پد ڈیون ءَ ھم دیراں کریز داشت نہ کتگ ءُ نور احمد ءَ آئی ءِ وکٹ گپتگ ءُ واتر دیم داتگ – کانوے ءَ بیست ءُ پنچ بالاں چِل ءُ ھپت رن جوڈ کتگ – اجنکیا ھم بیست ءُ ھپت رنانی جوڈ کنگ ءَ پد آؤٹ بوتگ وھدیکہ امباتی ءَ نوزدہ رن جوڈ کتگ بلے دھونی ءَ ھاسیں گوازی پیش نہ داشتگ ءُ اولی بال ءَ واتر بوتگ – گجرات ءِ نیمگ ءَ موہت ءَ سَے وھدیکہ اھمد ءَ دو وکٹ گپتگ –

اولسر ءَ بیٹنگ کنان ءَ گجرات ٹائٹنز ءِ لیبی سائی سدرشن ءَ چِل ءُ ھپت بالاں نود ءُ شش رن جوڈ کتگ ءُ گجرات ءَ چار وکٹانی تاوان ءَ دوسد ءُ چاردہ رن جوڈ کتگ – سدرشن ءَ ھشت چوکا ءُ شش چکا جتگ ھمائی ءِ بدولت ءَ گجرات مزنیں اسکور ءِ جوڈ کنگ ءَ سوبمند بوتگ کہ وائے کسمت کہ باج برت نہ کتگ – شبھمن گل ءَ بیست بالاں سِی ءُ نُھ رن جوڈ کتگ ءُ آؤٹ بوتگ وھدیکہ ردھیمان ءَ نیم سنچری کتگ –