ایران ءُ روس ءِ میان ءَ ایرانی ریل لائن ءِ بند ءُ مالی کمک ءِ سر ءَ دزنویس بیتگ

ایرانی ریل لائن ءِ مالی کمک ءُ بندگ ءِ مسام ءِ سر ءَ دزنویس کنگ ءِ مراگش ءَ روس ءِ سروک ولاد دیمیر پوٹن ءُ آئی ءِ ایرانی ھم برابر ابراھین رئیسی ءَ چار شمبے ءِ روچ ءَ ویڈیو لنک ءَ گندگ بنت اِنت –

اے میان اُستمانی، زرباری، گوریچانی ٹرانسپورٹ کوریڈور ءِ یک مزنیں بھرے بیت اِنت داں انگت ءَ بنداتی ءَ اِنت-

رشت – استارا ریل ءِ اے راھداری ءَ یک جوانیں لنکے ئے نگاہ ءَ چارگ ےَ اِنت ایشی ءِ مول ءُ مراد بھارت، ایران، روس، آذربائیجان ءُ دگہ دگہ ڈیھاں ریل ءُ زری راھانی گیشنگ اِنت –

اے راہ ءِ بارو ءَ روس ءِ گوشگ اِنت کپ آ یک مزنیں تجارتی راھے ءَ توپانی ءِ دیمپانی ءَ کُت کنت-

پوٹن ءَ گوشتگ گمانی گوریچانی زرباری سر ءُ پُر ءِ راھداری، رشت – استارا ریل، وتی گڈسراں پد میان اُستمانی راھانی گیشنگ ءِ کمک ءَ کنت اِنت-

آئی ءَ گوشتگ کہ کیسپین ءِ زر ءَ زر ءِ ھواری ءَ یک سد ءُ شست ءُ دو کلو میٹر یا سد میل ریل ءِ دراجیں پند، بالٹک ءِ زر ءَ روس ءِ بندرگاھاں بھیرہ ھند ءُ خلیج ءُ ایران ءِ بندرگاھاں یکجاہ کنگ ءِ کمک ءَ کنت اِنت-

ایران ءِ سروک رئیسی ءَ گوشتگ کہ ایشی ءِ توک ءَ ھچ شک نیست اِنت اے مسام تھران ءُ ماسکو ءِ میان ءَ یک سیادمندی ءَ ھوار یک جوانیں گامگیجے-

روس ءُ ایران ھردوکانی سر ءَ روکپتی باپاری تکانی سر ءَ بندش اِنت ءُ ایشی ءِ سر ءَ ھردوکیں ڈیھ یکے دومی ءِ سیاسی ءُ زرکاری ءِ سیادی ءَ نزیک ءَ اتکگ اَنت-

ھردوکین ڈیھانی گوشگ مئے سر ءَ جتگیں زرکاری ءِ بندش بے بُن اَنت-

ایران ءَ روس ءَ را بازیں کچے ءَ بمبار ڈرون داتگ اَنت کہ آ روس ءَ یوکرین ءِ سر ءَ بیوکیں اُرش ءَ کارمرد کتگ اَنت-

سال نوزدہ سد ءُ ھپتاد ءُ نُھ ءَ اسلامی انکلاب ءَبپد امریکہ ءِ پلامرزی بیوکیں شاہ مھمد رضا پھلوی ءِ واک ءَ زبھر کنگ بیتگ ات- ایران ءَ روکپت ءِ جتا کنگ بیتگ ءُ آئی ءِ زرکاری اے بندش ءِ سبب ءَ یکدم جھل ءُ شتگ – ایران ءِ گور ءَ ڈیھانی توک ءَ مزنیں باپاری تیل ءِ کاری ءِ ڈیھے کہ آئی ءِ سر ءَ بندش جنگ بیتگ-

روکپت ءَ ایران ءِ جوھری سر ءُ پر ءُ روس ءَ را یوکرین ءِ جنگ ءَ کمک کنگ ءِ سبب ءَ بندشانی دیمپانی اِنت-