زندان ءَ بندیگیں گْوھار ماھل بلوچ ءِ نام ءَ- کادر ھسرت

الم بوانیت

زندان ءَ بندیگیں گْوھار ماھل بلوچ ءِ نام ءَ

لچہ: کادر ھسرت

دی بلوچستان پوسٹ

ماھلو
ماھلو تئی کندگاں پہ زھیر کنت
ماھلو کندگ تئی زندانی اَنت
ماھلو شال ءَ ھم پہ تو زھیر کنت
ماھلو ھچی گُناہ نیست انت ترا
ماھلو یکیں گناہ اِنت بس تئی
ماھلو کہ تو بلوچیں ماتے ئے
ماھلو کہ تو بلوچیں گْوھارے ئے
ماھلو اے رسترانی جاگہ اِنت
ماھلو ما بے وس ایں
ماھلو ما بزگ ایں
ماھلو باریں چے پیم ءِ اود ءَ تو ؟
ماھلو نازینک گریو ایت پہ ترا
ماھلو نگرہ ءِ چماں واب نیست
ماھلو تئی پیریں مات ءِ چم پہ تو راھی اَنت
ماھلو براتاں بلوچیں پہ تو ارمانی کتگ
ماھلو گْوھاراں بلوچیں پہ تو زھرشانی کتگ
ماھلو اے راج پرسیگ اِنت پہ تو
ماھلو اے راج ارسیگ اِنت پہ تو

نوکتریں