بلوچی ءُ براھوئی زبان ءِ نامداریں آشوبی گُشندہ اُستاد میر اھمد بلوچ ءِ نوکتریں سوتانی البم چہ آئی ساونڈ کلاوڈ چینل ءَ زیت شنگ کنگ بیت۔
اُستاد میر اھمد ءَ چاگردی رسانکدر ءِ ترامجاہ فیسبوک ءَ وتی نوکتریں البم ءِ عکس شنگ کُتگ ءُ براھوئی ءِ تہءَ نبشتگ کہ “زوت برو” بزاں کہ نوکتریں سوت زیت کائنت اِنت۔
اُستاد میر اھمد ءِ نوکتریں البم ءِ تہءَ نامداریں بلوچ شاعر اُستاد ابدل مجید گوادری، باری آجو ءُ دگہ شاعرانی شئر ھوار اَنت کہ اے شئر بلوچی ءُ براھوئی زبانانی تہءَ اَنت۔
زانگ بہ بیت اُستاد میر اھمد ءِ سوت آئی ساونڈ کلاوڈ چینل ءَ ھوار بازیں دگہ بازیں اسٹریمنگ تندجاہ چُش کہ اسپوٹی فائی ءُ ایمازون میوزک ءَ ھم دز کپ اَنت ۔