مزن بند ءِ کوھی دمگاں جاسوسیں ڈرون بالگردانی گشت، لشکر کشی ءِ گمان

سربوتگیں ھالانی رِد ءَ مند ءُ تمپ ءِ میانجی ءَ مزن بند ءِ کوھی دمگاں پاکستانی پوج ءِ جاسوسیں ڈرون بالگرد چکر اِتگ انت –

اھوالکار ءِ رِد ءَ پاکستانی پوج ءِ جاسوسی ڈرون بالگرداں مروچی ادار سَے ءَ مزن بند ءِ کوھی دمگ گورگی ءَ بگر تاں بانسر، چرپان، گوراپی، بودیگ، تکشی، پکیر چات ءُ سیمسری ھنداں چکر جتگ ءُ تنی وھدی ھنگت چکرگ انت –

دمگی اھوالکار رِد ءَ اے دمگاں مزنیں لشکر کشی ءِ گمان کنگ بیگ ءَ انت ھر وھد ءَ کہ پاکستانی پوج لشکر کشی ءَ کیت گڈا پیسرا ڈرون بالگرد چکر جن انت ءُ پدا لشکر کوھانی تہ ءَ مانرچیت بلے مروچی تنی وھدی پوج کوھانی نیمگ ءَ نہ شُتگ –