راجی رھشون ڈاکٹر اللہ نزر ءِ نام ءَ
شائر: آبدرھشون
دی بلوچستان پوسٹ
اھد ءِ تو ئے کوھیں اَلَنگ ، اللہ نزر
مِکّیں ھشیمانی پُلنگ ، اللہ نزر
پہ منزل ءَ آجوئی ءِ دُرپش ایت تئی
دست ءِ کَلَم بَڈّ ءِ تپنگ ، اللہ نزر
گوں زانگءُ زانت ءُ گِھیں رھشونی ءَ
گوناپ دات اے گُڈّی جَنگ ، اللہ نزر
ھامین بیت من سدَّک ءُ جزماں دل ءَ
تئی کِشتگیں جُھدانی گْوَنْگ، اللہ نزر
سیتّانی بَنت کدّہ چَکار جنگ ءِ پِڑ ءَ
پٹّین اَنت باپ لھڑیں پَشَنگ ، اللہ نزر
چکپروش کن ئے ڈُنگءُاڑوجیں لشکرءَ
سوبین نہ بیت وھد ءِ پَرَنگ ، اللہ نزر
چہ چاپلیں بچّانی ھوناں مھلبیں
راجدپتر ءِ تاک اَنت رَنگ ، اللہ نزر
تئی ھکَل ءُ باھند کنت اے پنچ پِت ءَ
کونڈموش ءُ مُنڈ ءُ لُچّ ءُ لَنگ اللہ نزر
تئی ریدگیں کِرد ءِ نہ بیت برورد اد ءَ
گوں گیدی ءَ بِھ کیلءُ سَنگ، اللہ نزر
اُرد بستگ اَنت گوں کاروان ءَ آبد ءَ
تئی گِندگ ءَ کیت اے مَلنگ ، اللہ نزر