سَلّھہ دستونک
واھگ نیاد
دی بلوچستان پوسٹ
نہ آزمانے’ زرے ‘پادا اِنت مرگاں
منی استار چراگ آں راہ کَشّنت
اے گیدی کہ وتی سنج ءَ بہ سنجیت
بھشت ءِ تئی نھاد کئیت چَلّے بیتیں
سُھیل ءُ زال ءُ شپ کَش ءَ بہ ٹالین
نہ بیت کوپگ دیگ نوں ھئور اینچو
اے داوا ءَ ھمے کوہ اَنت کہ سَگّنت
تئی بالانی بانزل گْوات ءَ رِیّ اَنت
کپوت ءُ شانتل ءُ بلبل بہ سھڑ اِت
کھیراں بِلّ دل ءِ آزار نالیت
وتی ٹھلانی ساز ءَ جَھل بکن کہ
شھیدیں میتگے ارواہ ءَ کبر اِنت
چُنیں زیبے زمین ءِ مِھر شنزیت
ادا ھر بادشاہ ءِ دل پیادگ