ابدمانیں کارست شھید شَے مرید – ھانی بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: ابدمانیں کارست شھید شَے مرید

نبشتہ کار: ھانی بلوچ

دی بلوچستان پوسٹ

من ترا بے ھیال ھچ وڑ ءَ کت نہ کناں بلے اے انچیں راھے بیتگ کہ اے راہ ءَ ھزارانی ھساب ءَ بلوچ ورنایاں وتی تنگوئیں جان ندر کرتگ انت۔ پہ وتی ماتیں وتن ءَ نمیران بیتگ انت انگت ھزارانی ھساب ءَ بلوچ ورنا ھست کہ پہ وتی ماتیں گلزمین ءِ پھازگ ءَ شپ جاہ ءُ روچ جاہ انت گرم سگ انت شُد سگ انت ھَور ءُ توپان سگ انت وتی زند چو تئی وڑ ءَ ھمک کوہ ءُ گٹ ءُ گراں کور ءُ شیپاں بازار ءُ میتگاں دست دل ءَ کرتگ ءُ پہ وتی ماتیں گلزمین ءِ رکینگ ءَ مرگ ءَ ھمباز کنگ ءَ اَنت، بلے وتی گلزمین ءَ بھا نہ کن اَنت-

نزاناں چونیں سوگندے اے راجی کنگراں وارتگ کہ انچو تمرد ءُ دلیر انت ھر چیز ءَ سر گوز اَنت بلے پروش نہ ور انت اشانی توکا تو شَے جان وت یک مسالے ئے، بلے ھو اے گلزمین وتی بچاں وت شوھاز کنت، وت درچنت وتی کُٹ ءَ آھاں واپین ایت وتی امبازاں زوریت آھاں نمیران کنت-

اے راجی سرمچارانی توک ءَ شَے جان تی دلیری ءُ تمردی ءِ مسال ءَ من انچو دیاں کہ تو وتی برات شھید تاھر جان وتی کبلھیں کماش شھید چیرمین دوست مھمد ترا چہ پیسر اے کاروان ءِ رد ءَ راھی بیت اَنت ءُ وتی نام اِش نمیران کت۔ پد ءَ تئی دژمن ءَ انچو زور جت داں تئی لوگ ءِ مردم درست تنگ کت اَنت، بلے تو نہ پروشتے وتی ماتیں گلزمین ءِ مزاریں بچانی ھمراہ اَت ئے، تو چو شَے مرید ءَ پہ وتی ھانی ئیں گلزمین ءَ انچو شیدا اِت ئے مرچی تئی نام ما بلوچ راج دپترا گلزمین ءِ شَے مریدیں نام ءَ نبشتہ انت، بلے اے تئی وتی واھگ بوتگ۔ اگاں ترا گندے دُژمن ءَ موہ بے داتیں گڑا پہ گَل ءُ او سنگتاں جوانیں کار کتگ ات، دژمن گیشتر پروش داتگ اَت، شیھو تو زوت نمیران بوت ئے، بلے تو پروش نہ وارت۔

ترا یاد بیت تو گُشتگ ات کہ منی واستا منی دل شیلانچ پچار کہ منی لوٹ ایت۔ شیھو تو زانے مئے گوک زاتگ اَت شیر ءُ شیلانچ باز اَت، اے رندی موسم بھارگاہ اَت شیر ءُ شیلانچ بے کساس مُچ اَت، بلے شیھو جان تو من ءَ پون نہ کت ءُ شیلانچ نہ لوٹ اِت۔ پد ءَ من ءَ تئی شھیدی ءِ ھال سر بوت، تو رمزان ءِ اولی روچ ءَ گلزمین میار کنگ بوت ئے۔ چہ تئی روگ ءَ پد من وھدے پریج ءَ پچ کناں ءُ اے شیلانچاں گنداں من ءَ تئی ھما بچکند یاد کاینت تو کہ وھدے بچکند اتگ تئی بچکندانی تہ ءَ دگہ زیبائی یے گندگ بوتگ۔

تو ھر چیز دوست داشت تئی ھمے بچکندگ ءِ یاتانی توک ءَ ھمے آورت شَے جان تو نیائے وتی شیلانچ ءَ نبرے ھر چیزے کہ ترا زرورت بیتگ آھاں نہ برے تو وتی پلیں براتوک ءُ سرداریں پت ءِ کش ءَ وپتگے گوں آھاں کسہ آرگ ءَ ئے کہ شمئے شھیدی ءَ من گوں یزیدیں لشکر ءَ جنگ کتگ گوں وتی دلی ھمراھاں وتی مات گوھار وتی برات کماش وتی سرڈکار یل نہ داتگ باجو نہ بیتگ انت چو ھما باجوانی وڑ ءَ کہ دژمن کُٹ ءَ نشتگ انت پہ چار کلدار ءِ واستا وتی ماتیں گلزمین ءُ آئی ءِ بچانی سودہ جن انت راجی مجرم انت-

کربان تئی بچکندانانی تئی اکساں من سوشل میڈیا گنداں ھر اکسے من چاراں منی شیھو بچکندگ انت ھمے اکس نہ انت گندے تو وتی دست چست کتگ یک کوھے ءِ سر ءَ نشتگ ئے مارا اجازت کنگ ءَ ئے من اے اکس ءَ مدام چاراں تو پورہ زانتگ ات من روگایاں تو مارا اجازت کنگ ءَ ئے من ءَ تئی درستیں اکس دوست بنت گندے پیسرا من اے اکس بدیست ناں من ترا باز جست کتگ ات تو یک اکسے توک ءَ نشتگے جیڑگ ءَ ئے تئی سر جھل انت منی ھیالاں تو ھمے ھیال کنگ ءَ ئے من وتی دژمن ءَ چون پروش بدیاں وتی زمین ءَ آجو بکناں راست انت تو پہ زمین ءَ باز جیڑ اتگ من ترا دیستگ تئی ھما مھر کہ گوں گلزمین ءَ بندوک انت بائد ھر بلوچ ورنا ءِ توک ءَ بہ بنت گلزمین زوت پچگرگ بیت اِنت چیا کہ تو یک ابدمانیں کارستے ءِ پہ وتی گلزمین ءِ رکینگ ءِ واستا تو وتی مات ءَ گوں سوگند وارتگ ات تو پورہ کت نمیران بیت اِت گلزمین ءَ ترا دائمی وتی امبازاں زرت داں دنیا ھست اِنت بلوچ راج ترا یاد کنت شیھو جان تئی شھیدی ءَ پد تئی ھما ویڈیو ھم من دیست کہ تو گوں سنگتاں کیمپ ءَ دستگیر کن ئے وتی دژمن ءِ ساز ءُ ساماناں کارے گوں سرجمیں دژمناں مردار کن ئے ھمے ویڈیو تئی سنگتاں شنگ کتگ اَت تو گوں وتئی مزارین کنگرانی ھمراھی ءَ جنگ ءِ میدان ءَ انچو پیش کدمے وتی گلزمین ءَ گوں شیدائے پہ وتی وتن ءَ مرگ ءَ امباز کنگ ءَ ئے تئی جنگی کارست باز انت اگاں نبشتہ بکناں چیا تئی دلیری ءِ کسھاں تئی سنگت وت کار انت ءُ تئی شھیدی ءَ باز دردیگ انت۔ پہ وتن شھید بیتگیں سکندر ابدمان انت-



دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورکایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

بالویں بالی – شُپانک بلوچ

بالویں بالی سیمی بهر نبشتہ کار: شُپانک بلوچ دی...

زیارت ءَ پوج گاڑی سر ءَ بمب تراکے بوتگ، سے کارندہ بیران ءُ ٹپی بوتگ اَنت-

بلوچستان ءِ دمگ زیارت ءَ ناشناسیں مردماں پوج گاڑی گوں بمب ءَ نشانگ کتگ- سربوتگیں ھالانی رِد...

کراچی: سی ٹی ڈی ءَ چینی شھریانی سر ءَ اُرش ءَ ھواریں جرمکارے ءِ دزگیر کنگ ءِ ٹاہ داتگ

کراچی ءَ کاؤنٹر ٹیررزم ڈپارٹمنٹ (سی ٹی ڈی) ءَ کراچی ءَ بلوچ آجوئیں لوٹوکیں گل بی ایل اے ءَ سیادی دارگ...

شال: توپانی ھور، ھپت مردم بیران، بازیں جاہ آپ ءَ گپتگ اَنت

سرجمیں بلوچستان ءَ ھورانی درچ برجاہ اَنت، شال ءَ ھوار جتا جتائیں جاھاں لوگانی چَھت ءُ دیوالانی کپگ ءِ سبب ءَ...