بام ءِ سُھیل
شائر: گلام رسول پریاد
دی بلوچستان پوسٹ
بامءِ سُھیلءُ استال شاری اِنت
مئے لجءُ ننگءِ شال شاری اِنت
تُمپ گوں کیچءَ دوبر بانور کتگ
لُمہءِ پِکرءُ ھیال شاری اِنت
نی بزاں آجوئءِ رُژنءَ شھم کُتگ
پہ دژمنءَ مرگءِ وبال شاری اِنت
ھون پُل رودین اَنت دِلبندءَ زمینءِ
اِشکءَ گُلزمینءِ موال شاری اِنت
جکس اِتگ آشوبءِ ماں جھانءَ
بانڑیءِ مٹءُ مسال شاری اِنت
جی آر پھر بند ایت پہ شارُلءَ
ھر شائرءِ گپءُ گال شاری اِنت